არის ასეთი ქვეყანა, მას საქართველო ქვია! ♫♪ ამ ქვეყნის პატარა, ძველი და ისტორიული რეგიონია კასპი. ამ პოსტით მინდა, უკეთ გაგაცნოთ ჩემი მხარე. პოსტის მიზანია, ტურისტული სფეროს გამომზიურება, სოფელისა თუ რაიონის უკეთ გაცნობა.... ბევრს აღარ გავაგრძელებ და შემოგთავაზებთ ინფორმაციასა და ფოტო მასალას.

კასპის რაიონი, კადრი ვერტმფრენიდან

სოფელი გოსტიბე მდებარეობს კასპის რაიონში, თრიალეთის ქედის ჩრდილოეთ მთისწინეთში, მდინარე გოსტიბესწყლის ნაპირებზე.

რკონი – ნასოფლარი მდებარეობს, კასპის მუნიციპალიტეტში, მდ. თეძამის ზედა წელზე, მის მარცხენა ნაპირზე. XII-XIII სს.-ში რკონზე გადიოდა მნიშვნელოვანი სავაჭრო და სამხედრო-სტრატეგიული გზა. რკონის სამონასტრო კომპლექსი ნასოფლარ რკონის ტერიტორიაზე მდებარეობს. იგი საუკუნეების მანძილზე იქმნებოდა და მრავალჯერაა გადაკეთებული. ძირითადად გაირჩევა მშენებლობის სამი ფენა: VII ს., XIII-XIV სს.-ის მიჯნა და XVII-XVIII სს.-ის მიჯნა.

თეძამის ხეობა

დრისის ჯავახაანთ ციხე – ციხესიმაგრე, მდებარეობს კასპის მუნიციპალიტეტის სოფელ ჭყოპიანის დასავლეთით 400 მეტრზე. მდინარე თეძამის მარცხენა ნაპირზე, კლდის თავზე. კომპლექსი შედგება ციხე-გალავნის, ეკლესიის, კოშკის და სასახლისაგან. თარიღდება განვითარებული ფეოდალური ხანით.

თეძამის შენაკადი საბოლია, სათავეს იღებს კლდეკარის ციხესთან

მეტეხის ღვთისმშობლის ტაძარი – სამონასტრო კომპლექსი კასპის მუნიციპალიტეტის სოფელ მეტეხში. შედგება ტაძრის, გალავნის, კოშკებისა და სამრეკლოსაგან. ნაგებობები რამდენჯერმეა შეკეთებული. ღვთისმშობლის ტაძარი ჯვარ-გუმბათოვანი ნაგებობაა (15 X 20 მ), თარიღდება XIII საუკუნით.

ქვათახევი, ან ქვაბთახევი — XII-XIII საუკუნეების ქართული მონასტერი. მდებარეობს ქართლში, კასპის მუნიციპალიტეტის სოფელ წინარეხიდან 5 კმ-ზე, მდ. კავთურის სათავესთან.

სამთავისის ჯვარგუმბათოვანი ტაძარი მდებარეობს კასპის რაიონში, სოფ.სამთავისში, მდინარე ლეხურის მარცხენა მხარეს. ისტორიული წყაროების მიხედვით თავდაპირველად აქ ეკლესიის აშენება ვახტანგ გორგასალის სახელს უკავშირდება.

იკვის ტაძარი ჯვარ-გუმბათოვანია, ნაშენია ნატეხი ქვით. ფასადების მოსაპირკეთებლად, თაღებზე, სვეტებზე და სხვა კონსტრუქციულ ნაწილებზე გამოყენებულია თლილი ქვა.

მეამაყები!