გაზაფხულამდე რა მოიცდის, მაგრამ მარწყვის მოძიება მაღაზიებში ყოველთვის შეიძლება. თუ არადა, მარწყვის ჩანაცვლება სეზონური ხილით ან ტროპოკულებით, მშვენიერი იდეაა - მაგალითად, ფორთოხალი, ბანანი, კივი და ა.შ. ნებისმიერ შემთხვევაში, ქველინარიას შემოთავაზებული რეცეპტი, გამოგადგებათ.

შემადგენლობა

• ორცხობილები - იმდენი, რომ ფორმის ძირი დაიფაროს (იხ. ქვემოთ ფოტოები)
• საცხობი მიქსი ვანილით - ½ ყუთი (მოიკითხეთ ჰიპერმარკეტებში - Cake Mix (Vanilla))
• მარწყვი - 450 გრ.
• კრემყველი - 225 გრ
• შედედებული რძე - 1 ქილა
• რძე - 1ჭიქა
• ათქვეფილი, მზა კრემი - 225 გრ (მოიკითხეთ ჰიპერმარკეტებში - Whipped Topping)
• მარწყვი მოსართავად.

მომზადება

• გააცხელეთ ღუმელი 175c გრადუსზე.
• საცხობ ფორმას (სასურველია კვადრატული ფორმის 22სმx22სმ) მოასხით საცხობი სპრეი ან წაუსვით კარაქი.
• დაალაგეთ ზედ ორცხობილები, ისე რომ მთლიანად დაიფაროს ძირი.
  
• აიღეთ ვანილის საცხობი მიქსის ნახევარი და გახსენით წყალში ყუთზე მითითებული ინსტრუქციის მიხედვით.
• მოასხით ფორმაზე დაწყობილ ორცხობილებს და შედგით ღუმელში 25-30 წუთის განმავლობაში.
• როცა გამოცხვება და ფენა ამოვა, გამოიღეთ და ხის კოვზის ტარით დაჩხვლიტეთ.
  
• ჩაყარეთ თასში მარწყვი და კარგად დასრისეთ/დაჭყლიტეთ.
• შეურიეთ კრემ-ყველი და შედედებული რძე და კარგად აურიეთ, ისე რომ ერთიან, თხელ მასად იქცეს. დაამატეთ 1 ჭიქა რძე და განაგრძეთ არევა.
• გადაიტანეთ და მოასხით საცხობ ფენაში მოთავსებულ დაჩხვლეტილ ფენას. დაჩხვლეტა აუცილებელია, რათა მარწყვის მილქშეიკი კარგად გაუჯდეს ნამცხვარს. 
• წაუსვით ათქვეფილი, ჰაეროვანი, ფუმფულა კრემი, ისე რომ მთელი ზედაპირი დაფაროს 1 სმ სისქეზე.
• შედგით საყინულეში 3 საათის განმავლობაში.
• გამოიღეთ და მორთეთ მარწყვით და დაფხვნილი ორცხობილით.

გემრიელად მიირთვით!