ევროვიზიის კონკურსი წლიდან წლამდე უფრო და უფრო პოლიტიკურდება და დროსთან ერთად კარგავს მთავარ იდეას - მუსიკალურობას. მუსიკალური კონკურსად თუკი ოდესმე იყო, დღეს შეიძლება თამამად ვთქვათ, რომ ევროვიზია, ევროპის მუსიკის გამოხატულება არ არის. ეს შესავალი იმისთვის, რომ ქართული კონკურსის შესახებ რამდენიმე დეტალი გამეხმოვანებინა.

      საინფორმაციოდ ვიტყვი, რომ ევროვიზიის კონკურსი ორ ეტაპიანია:

1. ეროვნული კონკურსი - სადაც კონკურსანტებს უწევთ საკუთარ ქვეყანაში გამარჯვება;
2. ევროვიზიის კონკურსი - სადაც კონკურსანტებს წინა წელს გამარჯვებულ ქვეყანაში უწევთ ევროპის მთავარი მუსიკალური სიმღერის ჯილდოს მოპოვება.

      წელს მასპინძელი ქვეყანა არის უკრაინა.

      ამ პოსტში, ეროვნულ კონკურსზე ვისაუბრებთ.

      საქართველოში, ტრადიციულად ეროვნული კონკურსი საზოგადოებრივ მაუწყებელზე იმართება (სხვა ქვეყნების უმრავლესობაში ასეა) და ჟურისთან ერთად, მაყურებელს უწევს გამოავლინოს "ღირსეული" კონკურსანტი, რომელიც წარადგენს ჩვენს ქვეყანას.

      შერჩევის კრიტერიუმების კრიტიკას აზრი არ აქვს, თავად შესარჩევზე ვისაუბროთ.

      წელს, ევროვიზია 2017-ის კონკურსისთვის წარდგენილია 25 სიმღერა.

1. MISHO - Magic
2. მარიკო ლეჟავა - Light it Up
3. ანდრია გველესიანი - Revolutionise
4. დავით შანიძე - "მტვერის კაცი"
5. გიორგი ჩიქოვანი - Make it Right
6. თაკო გაჩეჩილაძე - Keep the Faith
7. ჯგუფი Sparkle - On The Top
8. ნინო ბაშარული - "ლილეო" (Lileo)
9. მარიამ ჩაჩხიანი - Fly
10. ჯგუფი The Mins - Crime
11. რატი დურგლიშვილი - Why
12. მალიბუ - We Live Once
13. ბრენდონ სტოუნი და ეთერ ბერიაშვილი - Heyo Song
14. ნანუკა გიორგობიანი - Let The Sunshine In
15. ოთო ნემსაძე და ჯგუფი Limbo - Dear God
16. ნუცა ბუზალაძე - White Horses Run
17. საბინა ჭანტურია - Stranger
18. ელენე მიქიაშვილი - Fighter
19. ალისა დანელია - We Are Eternity
20. ტრიო "მანდილი" - "მე და შენ"
21. ჯგუფი Asea Sool - Nature
22. ჯგუფი EOS - Urban Signs
23. თემო საჯაია - All The Same
24. დიმა კობეშავიძე - Scream
25. თორნიკე ყიფიანი და გიორგი ბოლოთაშვილი - You Are My Sunshine

      სია აღებულია საზოგადოებრივი მაუწყებლის soundcloud გვერდიდან, სადაც თითეული სიმღერის მოსმენაც შეგიძლიათ, მაგრამ ვერ გეტყვით რომ ისიამოვნებთ. წესით, 25 სიმღერით, ერთი კარგი კონცერტის გაკეთება შეიძლება, მაგრამ სიტყვა კარგი - პრობლემურია.

      მუსიკალურ გემოვნებაზე კამათს არ ვაპირებ, ვის რა მოსწონს და როგორ, ეს გამოჩნდება კონკურსის ბოლოს, ჩემი ყურადღება მიიქცია რამდენიმე დეტალმა და მინდა გაგიზიაროთ.

      პირველი, ესაა სათაურები. სათაურების მიხედვით, ჩვენ ვართ უცნობი მოჩხუბარი მარადისობა, ურბანული სიმღერებით, რომლებიც თეთრი ცხენის კვალზე მზის ნათებისას მივრბივართ და ვკივით. ვცხოვრობთ ერთხელ და მაგიურად დავფრინავთ, ვერ გამოვდივართ რევოლუციონისტური განწყობიდან, ვცდილობთ დავრჩეთ მორწმუნეებად და ძვირფას ღმერთს სულ ვეკითხებით რატომ? საბოლოოდ, ყველაფერი მარტო მეზე ან მე და შენზე დაიყვანება. 

      სამწუხაროდ, ამ სათაურებში ვერ ჩავსვი მტვერის კაცი, ალბათ იმიტომ, რომ მტვრის კაცი უფრო სწორი ფორმაა.

      ეგეც არ იყოს, მთელს კონკურსზე სულ ორი ქართულენოვანი სიმღერაა, აქედან ერთი ფანოღია და მეორეს არასწორად ჰქვია სახელი. ალბათ მესამეც შეამჩნიეთ - ლილეო, ვიფიქრე ქართულად უმღერიან მზესთქო, მაგრამ გავწბილდი.

      ჩემი თავი შევიბრალე, ამიტომ ყველა არ მომისმენია, მაგრამ რაც მოვისმინე, ძირითადად ელექტრონული მუსიკით გაჯერებული დისკო შემხვდა.

კითხვა - რატომ უნდა მოვიგოთ ევროვიზია 2017?