გიორგი ბაბილოძე სოფელ მაკვანეთში დაიბადა. მამამისი ყმა გლეხი იყო. ჰქონდა არაჩვეულებრივი ხმა ­ გამყივანი, გიორგის ბაბუაც (დედის მამა ­ ზოსიმე გორდელაძე) შესანიშნავი გამყივანი ყოფილა. ასე რომ, გიორგი ბაბილოძე, როგორც ჩანს, წინაპრების კვალს გაჰყვა.

      იგი დღემდე გამყივანის საუკეთესო შემსრულებლად მიიჩნევა მთელს გურიაში.

      გიორგი ბაბილოძეს უსიმღეროდ ცხოვრება ვერ წარმოედგინა. მომღერალს ახალგაზრდა ვაჟი ტრაგიკულად დაეღუპა. გიორგი ტრადიციის მიმდევარი კაცი იყო და, ცხადია, გლოვაც მამაპაპური იცოდა, მაგრამ საყვარელი ვაჟის დაკრძალვის შემდეგ გიგო ერქომაიშვილს უთხრა: მე რომ არ ვიმღერო, ჩემს შვილს ამით ვერაფერს ვუშველი და სიმღერას კი ვავნებო.

      გიორგი ბაბილოძეს თავისუფლად შეეძლე გამყივანი მაღალ რეგისტრში ემღერა და თუ საჭირო იყო, მშვენიერი ბანიც ეთქვა.

      გიორგი ბაბილოძის გარდაცვალების წელს გაშორდნენ წუთისოფელს ცნობილი მომღერლები: ­ სამუელ ჩავლეიშვილი და ნესტორ კონტრიძე. არტემ ერქომაიშვილმა მათ ხსოვნას უძღვნა:

"ფონდი ქართული გალობა"