ხვალ საღამოს უდაბნოში მდებარე წმინდა საბას მონასტერში ვაპირებდი წასვლას, ბევრი საქმე მქონდა და ბიბლიოთეკაში აღარ წავსულვარ. ამის ნაცვლად, პალესტინის მუზეუმი - დამასკოს კარიბჭის გვერდით მდებარე სრულიად ახლებური პალესტინური სტილის ნაგებობა დავათვალიერე. ამჟამად დაკეტილი იყო. თუმცა მე გამიმართლა - შემიშვეს და ერთმა მაღალმა, მართლმადიდებელმა არაბმა ოთახები დამათვალიერებინა. ერთ ოთახში დიდი საფლავის ქვა შევნიშნე, რომელსაც ბერძნული წარწერა ჰქონდა. წარწერა გვამცნობდა, რომ ამ ქვის ქვეშ ქართველი ეპისკოპოსი სამოელი იყო დაკრძალული. ჩემმა მეგზურმა მითხრა, რომ ბატონ ჯ. ჰ. ილიფეს,[1] მუზეუმის ერთ-ერთ უფროს თანამშრომელს ამ საფლავის ქვის შესახებ გამოკვლევა დაუწერია, დიდი გულისხმიერება გამოიჩინა და იმ ნაშრომის ერთი ეგზელმპარი მიშოვა.[2]

      ეს ქვა მაშინ აღმოუჩენიათ, როცა იერუსალიმში YMCA-ს[3] შენობა შენდებოდა. ბატონი ილიფეს ვარაუდით, იმ ადგილას მე-6-მე-7 საუკუნეებში სასაფლაო უნდა ყოფილიყო.