ჟოლოს სეზონი ჯერ არ გასულა. კარგად თუ მოჩხრიკავთ, ბევრგან შეხვდებით. მართალია ცოტა ძვირია და ძალიან სათუთი, მაგრამ მასზე გემრიელი იშვიათად მოიძებნება რამე, ბუნებაში. ვინც ქველინარიას ხშირად სტუმრობს და მოუმზდებია ქველინარიული რეცეპტებით, იცის ჩვენი სამზარეულოს ტკბილგემოვნება.

      აბა ახლა, მარტივი ლოგიკაა - გემრიელ ჟოლოს თუ მივუმატებთ, ქველინარიას შემოთავაზებულ უგემრიელეს ტარტის რეცეპტს, რას მივიღებთ?! უპასუხოდ დავტოვებ, რადგან საოცრად დიდი და მადისაღმძვრელი ნერწყვი გადამცდა.

      მოკლედ, ტარტის რეცეპტი მოხარშული კრემით და ჟოლოს გაფორმებით

შემადგენლობა:

ტარტის ცომი

• ფქვილი - 1 1/4 ფინჯანი (180 გრ);
• შაქრის პუდრი - ½ ფინჯანი (75 გრ);
• კარაქი, ცივი, კუბიკებად დაჭრილი - 100 გრ;
• 1 მოზრდილი კვერცხის გული;
• ცივი წყალი - 2-3 ჩ/კ;

გულსართი:

• რძე - 2 ფინჯანი (500 მლ);
• დარიჩინის ჩხირი - 5 სმ;
• 2 მოზრდილი კვერცხის გული;
• შაქარი - 1/4 ფინჯანი (50 გრ);
• სიმინდის სახამებელი - 2 ს/კ;
• კარაქი - 2 ჩ/კ;
• ჟოლო - 1,5 ფინჯანი (375 გრ);

მომზადება:

ტარტის ცომის მომზადება

      ფქვილი, შაქრის პუდრი და კარაქი სამზარეულოს კომბაინში მოათავსეთ და დაანამცეცეთ;

      დაუმატეთ კვერცხის გული და 2 ჩაის კოვზი წყალი. აურიეთ და თუ საჭიროა, წყალი დაუმატეთ, რომ ცომი შეიკრას და ერთგვაროვანი გახდეს.

      გადმოიღეთ ბლენდერიდან და სწრაფად მოზილეთ ხელით, რომ არბილდეს.

      მოათავსეთ პატარა ჯამში, დააფარეთ სამზარეულოს ცელოფანი და 30 წუთით შედგით მაცივარში.

      შემდეგ სუფთა, ცოტა ფქვილმოყრილ დაფაზე დადეთ და 3 მმ სისქეზე გააბრტყელეთ.

      წაუსვით ცხიმი 25 სმ დიამეტრიან ტარტის ყალიბს, რათა ადვილად გადმოიღოთ ნამცხვარი გამოცხობის შემდეგ; ცომი საცხობ ყალიბში მოათავსეთ და გვერდებიდან ზედმეტი ცომი ჩამოაჭერით. ისევ შედგით მაცივარში გასაციებლად 30 წუთით;

      გამოიღეთ, თავზე დააფარეთ პერგამენტის ქაღალდი და მშრალი, მარცვლეული (ბრდა, ცერცვი, ოსპი, ბრინჯი და სხვა) მოაყარეთ სიმძიმისთვის.

      გააცხელეთ ელექტროღუმელი 170° ცელსიუსზე (აირღუმელი დააყენეთ ნიშნულზე - 3);

      შედგით ღუმელში და გამოაცხვეთ 15 წუთის განმავლობაში, სანამ ოქროსფერ-ყავისფერი არ გახდება. მოაცალეთ სიმძიმე და ქაღალდი. მოუმატეთ ტემპერატუას 230° ცელსიუსამდე (ნიშნული - 8);

გულსართი:

      გაწურეთ რძე წმინდა საწურში; შემდეგ, რძე და დარიჩინის ჩხირი პატარა ქვაბით დადგით საშუალო ცეცხლზე და მიიყვანეთ ადუღებამდე. დაუწიეთ ცეცხლს, დააფარეთ და ადუღეთ 15 წუთი.

      ცალკე ათქვიფეთ კვერცხის გულები, შაქარი და სიმინდის სახამებელი.

      თანდათან დაუმატეთ რძეს, ცეცხლს დაუწიეთ და ხის კოვზით კარგად ურიეთ გასქელებამდე. გადმოდგით ცეცხლიდან და შეურიერთ კარაქი და დადგით გასაციებლდ.

      მოხარშული კრემი მომზდებულ ტარტის ცომზე დაასხით, მოაყარეთ ჟოლო. აცხვეთ კიდევ 15 წუთი. სუფრაზე უნდა მიიტანოთ თბილი.

გემრიელად მიირთვით მოხარშულკრემიანი ჟოლოს ტარტი!