სადაცაა აყვავდება ნუში და შემდეგ, მის ყვავილობას ნუშის დაგემოვნებაც მოჰყვება. გემრიელის რა გითხრათ, მაგრამ ამბობენ, სასარგებლოა - და როგორც ყველაფერი სასარგებლო, ნაკლებ გემრიელი. თუმცა, სასუსნავად, მზესუმზირას მაინც ასჯერ ჯობიაო, ამასთან ნამცხვრებსა და ტკბილეულში, კარგი გამოდის. დღევანდელ რეცეპტშიც, მსხალი და ნუში ტარტის ახალ გემოს შემოგვთავაზებენ. 

შემადგენლობა:

ტარტის ცომი

• ფქვილი - 1 2/3 ფინჯანი (250 გრ);
• შაქრის პუდრი - ½ ფინჯანი (75 გრ);
• კარაქი, კუბიკებად დაჭრილი - 150 გრ;
• 2 მოზრდილი კვერცხის გული;
• ცივი წყალი - 3-4 ჩ/კ;

გულსართი:

• შაქარი - 1 ფინჯანი (200 გრ);
• კარაქი (დარბილებული) - 180 გრ.;
• ვანილის ექსტრაქტი (ესენცია) - 1 ჩ/კ
• 3 მოზრდილი კვერცხის გული;
• ნუში - კანგაცლილი, წმინდად დაფქული - 300 გრ.
• ფქვილი - 2 ს/კ;
• მსხალი - გათლილი, გულამოცლილი და ოთხად გაჭრილი - 4 ც.
• ნუშის ფანტელი - 3 ს/კ;
• თაფლი - 3 ს/კ;

მომზადება:

ტარტის ცომის მომზადება

      თხლა წაუსვით ცხიმი 2-სმ დიამეტრის მქონე ტარტის ყალიბს;

      საშუალო ზომის ჯამში მიქსერით ათქვიფეთ კარაქი და შაქრის პუდრი. სათითაოდ დაამატეთ კვერცხები;

      შეურიეთ ფქვილი და წყალი.

      დააგუნდავეთ და გაახვიეთ სამზარეულოს ცელოფანში, შედგით მაცივარში 1 საათით;

      გადმოიღეთ ცომი ცოტა ფქვილმოყრილ დაფაზე და 5 მმ სისქეზე გააბრტყელეთ;

      ჩადეთ ცომი საცხობ ყალიბში, გააბრტყელეთ და გვერდები შემოაჭერით. თავზე დააფარეთ და ისევ მაცარში შეინახეთ 30 წუთი. გააცხელეთ ღუმელი 180ºC;

      დააფარეთ ცომს პერგამენტის ქაღალდი და მოაყარეთ მშრალი მარცვლეული (მაგ.: ბარდა, ცერცვი, ოსპი, ბრინჯი და სხვა);

      აცხვეთ 15 წუთი, სანამ ღია ოქროსფერს არ მიიღებს;

      მოაცალეთ ქაღალდი, სიმძიმე და გადადეთ გასაციებლად;

      შეგიძლიათ იხილით ფოტოილუსტრაციაც.

გულსართი:

      სასუალო ზომის ჯამში მიქსერით, მაღალი სიჩქარით ათქვიფეთ შაქარი, კარაქი და ვანილი, სანამ მკრთალი ოქროსფერ-ყავისფერი გახდება;

      დაუმატეთ თითო-თითო კვერცხი, სანამ კარგად არ გაზავდება;

      შეურიეთ ნუში და ფქვილი. დააფარეთ და ისევ მაცივარში მოათავსეთ, სანამ არ გამაგრდება, დაახლოებით 20 წუთი;

      გულსართი ცომზე გადაანაწილეთ. მსხალი ოთხად გაჭერით და ცომზე ლამაზად მოაწყვეთ, მოაყარეთ ნუში.

      აცხვეთ 40-45 წუთი, სანამ ოქროსფერ-ყავისფერს მიიღებს;

      თაფლი პატარა ქვაბში, დაბალ ცეცხლზე გაადნეთ. ფუნჯით გადაუსვით მიღებულ ნამცხვარს და სუფრაზე თბილი ან ოთახის ტემპერატურისა მიიტანეთ.