მსუბუქი და გემრიელი დესერტი. გავრცელებულია ფრანგულ და ბრიტანულ მენიუებში. მზადდება ადვილად და ძალიან სწრაფად.

შემადგენლობა:

1.კვერცხი - 1ც

2. შაქარი - 80 გრ

3. წყალი - 50 მლ.ლ

4. კარაქი - 20 გრ

5. კაკაო - 1 ჩ/კ

6. პურის ფქვილი - 1/2 ს/კ

7. შესქელებული რძე - 50 მლ.ლ

8. ვანილი

9. ლიმონის ან სხვა ხილის ცედრა - სურვილისამებრ

მომზადება:

  50 გრ შაქრისაგან და წყლისაგან უნდა გაკეთდეს სიროფი, რომრლიც უნდა გაცხელდეს 110 - 120 გრადუსამდე.

  ცილისა და 2 კოვზი შაქრისაგან გააკეთეთ ბეზე, რომელიც უნდა იყოს მყარი და ბზინვადი (კვერცხის გული შეინახეთ, არ გადააგდოთ);

  ბეზეს შეურიეთ ცხელი სიროფი ძალიან წვრილი ნაკადით, თან მიქსერით თქვიფეთ მაღალ სიჩქარეზე. ამ მასას შეურიეთ შერბილებული კარაქიც.

  წყალი დადგით ასადუღებლად. ღუმელი გააცხელეთ 180 გრადუსამდე.

  ცალკე გააკეთეთ გოგლი-მოგლი შენახული კვერცხის გულებისა და დარჩენილი შაქრისაგან. შეურიეთ კაკაოც. ამას დაუმატეთ ფქვილი და შესქელებული რძე.

  ბეზესა და გოგლი-მოგლის მასა აურიეთ ერთმანეთში. 

  გაამზადეთ თიხის ქოთნები. მოაყარეთ ფქვილი და ჩაასხით მუსის მასა. ისე ჩაასხით რომ ბოლომდე არ გაავსოთ. ეს ქოთნები ჩაალაგეთ წინასწარ მომზადებულ ღრმა ჭურჭელში და დაასხით ადუღებული წყალი ამავე ჭურჭელში, ისე რომ მუსის მასას წყალი არ მოხვდეს. ასე თიხის ქოთნები თანაბრად ხურდება და მუსიც უკეთესად ცხვება.

  შედგით აერღუმელში და 10-12 წუთში შეამოწმეთ. შემოწმება ხდება ჩხირით. თუ ცომის მასა არ ამოყვა ხის ჩხირს ე.ი. მზადაა.

  გამოიღეთ და მორთეთ შოკოლადით ან ნაყინით. შეგიძლიათ მიირთვათ თბილი ან მაცივარში გაცივებული.