დარწმუნებული ვარ თქვენმა ბანანის ნამცხვარმა დიდი შთაბეჭდილება მოახდინა ამიტომ Qwellynaria გთავაზობთ ბანანის ნამცხვარს ავსტრალიურად! წარმატებებს გისურვებთ...

შემადგენლობა:

1. მარგარინი ან კარაქი - 75 გრამი
2. კვერცხი - 1 ცალი
3. რძე - 50 მლ
4. შაქრის პუდრა ან ჩვეულებრივი შაქარი - 110 გრამი
5. ფქვილი - 220 გრამი
6. საცხობი ფქვილი 2 ჩ/კ , ან 1 ჩ.კ სოდა, ოდნავ ვანილი
7. ლიმონის ან ლაიმის წვენი - 2 s/k
8. ძალიან მწიფე ბანანი - 3-4 ცალი

მომზადების წესი:

      ძალიან დარბილებულ კარაქი, კვერცხი და შაქარს ათქვიფეთ, რომ მიიღოთ არაჟნისებური მასა, შემდეგ დაამატეთ ფქვილი და საცხობი პუდრა (Baking powder, ან სოდა), ვანილი. მოზილეთ ცომი ისე, რომ ყველაფერი კარგად გაიხსნას. აიღეთ ჭიქა, ჩაასხით რძე და დაამატეთ ლიმონის წვენი, კარგად მოურიეთ (რძე აიჭრება მაგრამ არ შეგეშინდეთ). ლიმონიან რძე და ფქვილიან–კარაქიანი მასა აურიეთ ერთმანეთში ისე, რომ ერთგვაროვანი მასა მიიღოთ, არაჟანივით უნდა იყოს. მერე დაამატეთ დაქუცმაცებული ბანანი. აიღეთ ფორმა, გვერდებზე წაუსვით კარაქი, მერე ჩაყარეთ ცოტა ფქვილი და შეეცადეთ გაანაწილოთ ყველგან, ფქვილი კარაქს მიეკრობა, ნარჩენი ფქვილი კი გადმოფერთხეთ ფორმიდან. ჩაასხით ცომი ამ ფორმაში და გამოაცხვეთ 180 გრადუსზე, დაახლ. 50 წუთი. ბოლოს ნამცხვარს წაუსვით დაახლოებით 5 მმ სისქის ცივი კრემი ბანანის და ვანილის არომატით.

გემრიელად მიირთვით