შოკოლადის მადლენები თაფლით - ფრანგული კლასიკა მოვამზადოთ QwellyNari_ის   რეცეპტით!   

        შემადგენლობა

. კარაქი 140 გ
. შავი შოკოლადი 40 გ
. კვერცხი 2
. ვანილი
. შაქარი 90 გ
. თაფლი 40 გ
. ფქვილი 140 გ
. გამაფხვიერებელი 1 ჩ.კ
. კაკაო 20 გ +მოსაყრელად

    მომზადება

ღრმა ჭურჭელში გაადნეთ კარაქი და დაბალ ცეცხლზე ადუღეთ, სანამ მსუბუქ ყავისფერს არ მიიღებს და ნიგვზის არომატს არ გაუშვებს. შემდეგ გაწურეთ და გააგრილეთ.
წვრილად დაჭერით შოკოლადი.
კვერცხი მსუბუქად ავთქვიფეთ და დაამატეთ ვანილი, შაქარი, თაფლი და კიდევ ავურიეთ.
გაცერით ფქვილი, კაკაო და გამაფხვიერებელი. შემდეგ შევურიოთ მშრალი და სველი ინგრედიენტები, აურიეთ, დაამატეთ კარაქი და კიდევ ერთხელ კარგად აურიეთ, რომ ერთგვაროვანი მასა მიიღოს.
ჩაამატეთ შოკოლადი, ფრთხილად ავურიოთ და გადადეთ გვერდზე 2 საათით.
გაახურეთ ღუმელი 210 გრადუსზე, მადლენების ფორმას წაუსვით კარაქი და ფქვილი მოაფრქვიეთ. თითოეულ ღრმულში 1 ს.კ ცომი ჩაასხით და გამოვაცხოთ 10-12 წუთი.
გამომცხვარი მადლენები მაშინვე ამოიღეთ ფორმიდან, გააგრილეთ და მოაყარეთ კაკაო.
გამოდის 24 ცალი

მადლენების გამოცხობა მინი კექსების ფორმაშიც შეიძლება და ეს გემოზე არანაირად არ აისახება. მაგრამ ნიჟარების ფორმა, რა თქმა უნდა, უფრო საინტერესოა, თანაც კლასიკური მადლენი სწორედ ამ ფორმაში ცხვება.