მეთერთმეტე საუკუნის უმნიშვნელოვანესი ძეგლია - სამთავისი. ტაძარში მიმდინარეობს რესტავრაცია და არქეოლოგიური გათხრები. როგორც ჩვენთვის ცნობილია, სამთავისის ჯვარგუმბათოვანი ტაძარი მდებარეობს კასპის რაიონში, სოფ.სამთავისში, მდინარე ლეხურის მარცხენა მხარეს. სამთავისის ეკლესია თავდაპირველად აშენდა 475 წელს. VI ს.-ის 50-იანი წლებიდან აქ ერთ-ერთი ასურელი მამა – ისიდორე იწყებს მოღვაწეობას, ამ დროიდან იწყება სამონასტრო და საგანმანათლებლო ცხოვრება სამთავისში. XI ს.-ში 1030 წელს სამთავისის საეპისკოპოსო ტაძარი ილარიონ სამთავნელმა (ყანჩაველმა) ააგო.

      კომპლექსში ასევე არის მცირე ზომის დარბაზული ეკლესია, რომელიც დიდი ტაძრის სამხრეთით გალავანს ეკვრის. იგი ნაგებია რიყისა და თლილი ქვით. ახლა წირვა-ლოცვა მცირე ზომის ტაძარში აღევლინება.

      გთავაზობთ განახლებული სამთავისი ფოტოსურათებს, რომელიც ბადრი ვადაჭკორიას მიერაა გადაღებული!