ზღვაზე დასვენება მადას მოგიმატებთ!

      სწორედ ამიტომ, ჩვენ გირჩევთ Qwellynaria_ს ესტუმროთ და ძალიან ნოყიერი, ჰაეროვანი აჩმა მოამზადოთ უნიკალური რეცეპტით!

შემადგენლობა:

ცომი:

• 1კგ ფქვილი
• 4 კვერცხი
• 1 ჭიქა წყალი
• 1ს/კ ზეთი
• 1ჩ/კ მარილი

შიგთავსი:

• 1კგ და 200 გრ იმერული ყველი ან სულგუნი
• 300 გრ კარაქი
• 200 გრ არაჟანი(20%)
• მარილი

ზედაპირი:

• 3 ცალი კვერცხი
• 4 ს/კ არაჟანი
• მწიკვი მარილი

მომზადება:

ცომი:

• მიქსერით ათქვიფეთ 4 კვერცხი, მწიკვი მარილი და 1 ჭიქა ცივი წყალი.
• აიღეთ 800 გრ ფქვილი ჩააღრმავეთ შუაგულში, ჩაასხით კვერცხიანი მასა და დაამატეთ 1ს/კ ზეთი.
• მოზილეთ ცომი და საჭიროებისამებრ დაამატეთ ფქვილი (ცომი უნდა იყოს რბილი და ელასტიური)
• შემდეგ ცომი შეახვიეთ კულინარიულ ცელოფანში და გადააფარეთ ნაჭერი.

გულსართი:

• მსხვილ სახეხზე გახეხეთ ყველი, დაამატეთ მწიკვი მარილი, არაჟანი და ამოურიეთ.
• გაადნეთ ნახევარი კარაქი, შემდეგ დაამატეთ ყველიან მასას და კარგად ამოურიეთ.

ზედაპირისთვის:

• კვერცხი, მწიკვი მარილი და არაჟანი კარგად ათქვიფეთ ერთგვაროვანი მასის მიღებამდე.

• შემდეგ აიღეთ ცომი და დაჭერით 7 ნაწილად. (ამჯერად აჩმა იქნება შვიდფენიანი)
• ერთი ნაჭერი დანარჩენთან შედარებით დიდი მოჭერით.
• გაზზე დადგით ფართო, წყლიანი ქვაბი, გვერდით დადგით განიერი ცივი წყლიანი ჯამი და გაშალეთ პირსახოცი.
• აიღეთ ცომის პირველი, ყველაზე დიდი ნაჭერი და გააბრტყელეთ რაც შეიძლება თხლად.
• გადაიტანეთ მართკუთხა ცხიმწასმულ ფორმაში, ცომი უნდა ამოყვეს და დაფაროს ფორმის კედლები.
• ფორმაში ჩაფენილ ცომს ფუნჯით წაუსვით გამდნარი კარაქი და თანაბრად მოაყარეთ ყველის გულსართი.
• წყალი ამ დროისათვის უკვე დაიწყებს ადუღებას, ჩაყარეთ მარილი.
• ცომის დანარჩენი ნაწილები გააბრტყელეთ ფორმაზე ოდნავ დიდ ზომისებად.
• ცომის მეორე ნაჭერი თხლად გააბრტყელეთ და გადაიტანეთ მდუღარე წყალში.
• ხარშეთ 15 წამი
• შემდეგ ხის კოვზით ამოიღეთ და გადაიტანეთ ცივ წყალში, გააჩერეთ 20-25 წამი.
• შემდეგ გადაიტანეთ პირსახოცზე და შეაშრეთ, ამის მერე გადაიტანეთ ფორმაში დააფინეთ გულსართს.
• ცომის ზედაპირი უნდა იყოს ტალღოვანი, წაუსვით გამდნარი კარაქი და მოაყარეთ ყველის გულსართი.
• ასე გაიმეორეთ ყველა ფენაზე (ვაბრტყელებთ ცომს, ვხარშავთ, ვაციებთ ცივ წყალში, ვაშრობთ, გადაგვაქვს ფორმაში, ვუსვამთ გამდნარ კარაქს, ვალაგებთ გულსართს).
• არ შეგეშინდეთ თუ ხარშვის დროს აჩმის ცომი გაიხევა, მთავარია პირველი და ბოლო ფენები იყოს მთელი.
• ცომის ყველაზე პატარა ნაწილი დააფინეთ ბოლოს და გადმოაფარეთ წინა ფენის კიდეები.
• ზედაპირზე მოასხით წინასწარ მომზადებული არაჟნიანი მასა და ფრთხილად დაჭერით პროპორციულ ნაჭრებად.
• შემდეგ შედგით ღუმელში გამოსაცხობად 180 გრადუსზე 45-55 წუთის განმავლობაში.