ნაპოლეონის ნამცხვარს აქვს თუ არა კავშირი ფრანგ იმპერატორთან ვერ გეტყვით, რადგან ის ნაპოლეონი პატარა იყო, ეს ნაპოლეონი კი ნამცხვრებში საკმაოდ დაწინაურებულია სიმაღლით; ის ნაპოლეონი პუტკუნა იყო, ეს კი ჰაეროვანიალ იმას სისხლის ღვრა უყვარდა, ეს კი თეთრი და ფითქინაა. ნებისმიერ შემთხვევაში, ნაპოლეონი იყო და რჩება ერთ-ერთ უგემრიელეს და დელიკატურ ნამცხვრად.

      თუმცა იმ სახით, რომლითაც ჩვენთან არის გარვცელებული, ამერიკის კულინარიული ინსტიტუტი (CIA), ნაპოლეონს არ იცნობს და მის საპირწონეთ, სპეციალურად ქველინარიისთვის, გთავაზობთ კლასიკური ნაპოლეონის რეცეპტს. (რომელსაც თურმე გარგრის ჭიქურა სჭირდება).

შემადგენლობა:

1. ფენოვანი ცომი - 350 გრამი
2. რძიანი კრემი - 1½ ჭიქა
   • ჟელატინი - 2 1/4 ჩ/კ
   • ცივი წყალი - 1/4 ჭიქა
   • ნაღები - 1 ჭიქა
   • საკონდიტრო კრემი - 2 ჭიქა
     • გრანულებიანი შაქარი - 5 ს/კ
     • კვერცხის გული - 2
     • ფქვილი - 1/3 ჭიქა
     • მარილი - 1/4 ჩ/კ
     • რძე - 1 ჭიქა
     • ვანილის ექსტრაქტი - ½ ჩ/კ
       საკონდიტრო კრემი ჩვეულებრივ მოიხარშება ამ იგრედიენტებით და შემდეგ, ნაპოლეონისთვის გამოიყენებთ მხოლოდ 2 ჭიქას.
   ნაპოლეონის კრემისთვის კი, საკონდიტრო კრემთან ერთად შეურევთ ცივ წყალს, ნაღებს და ჟელატინს. ამ კრემსაც მოხარშავთ. დაამატებთ გარგრის ჭიქურას.
3. გარგრის ჭიქურა, შემთბარი, გემოვნებით
   • გარგრის ჯემი - 3/4 ჭიქა;
   • წყალი-3/4 ჭიქა;
   • სიმინდის სიროფი - 3/4 ჭიქა;
   • კონიაკი - 1/3 ჭიქა;
4. ფონდანტი - 120 გრ. (მოიკითხეთ სუპერმარკეტებში)
5. მარტივი, შაქარ-წყლის სიროფი (1ჭიქა შაქარი x 1ჭიქა წყალი) - 50 მლ.
6. შავი შოკოლადი (გამდნარი) - 30 გრამი

მომზადება:

      დაყავით ფენოვანი ცომი სამ ნაწილად.

      თითოეული გააპრტყელეთ, დაახლოებით, 38x22 სანტიმეტრზე (სიგრძეxსიგანე) და სისქე 3 მმ.

      დადეთ პერგამენტზე და შედეთ მაცივარში 1 საათით.

      გაახურეთ ღუმელი 190 გრადუს ტემპერატურაზე.

      გამოიღეთ მაცივრიდან, გადმოიტანეთ საცხობზე და ჩანგლის საშუალებით, კიდეები დაუსერეთ, დაუტკეპნეთ ზედ საცხობზევე, რომ მიეკროს კარგად.

      გამოაცხვეთ 20-30 წუთის განმავლობაში 190 გრადუს ტემპერატურაზე.

      ანალოგიურად გამოაცხვეთ მომდევნო ორი ფენა. ამის შემდეგ ფენები მოათავსეთ საყინულეში და დატოვეთ იქ მთელი ღამის განმავლობაში.

      მეორე დღეს, გამოიღეთ და გაალღვეთ ოთახის ტემპერატურაზე ან აირღუმელში დაბალ ტემპერატურაზე.

      ფენებს წაუსვით სიროფი.

      ნამდვილ, კლასიკურ ნაპოლეონს უნდა ჰქონდეს გარგლის ჭიქურა.

გარგრის ჭიქურა
გარგის ჭიქურისთვის საჭირო იგრედიენტები ერთად მოათავსეთ ქვაბში, კარგად აურიეთ და წამოადუღეთ. როდესაც ერთიანი, ბლანტი მასას მიიღბთ, გამორთეთ და გააციეთ ოთახის ტემპერატურაზე.

      კრემს შეურიეთ გარგრის ჭიქურა და წაუსვით ფენას. შემდეგ დაადეთ მეორე ფენა და ისევ წაუსვით. მესამე ფენა დაადეთ ამობრუნებული - საცხობი ძირი ჰქონდეს ზემოთ.

      მესამე ფენას წაუსვის შემთბარი ფონდანტი და ძალიან წვრილად, პარალელური ზოლები გაუკეთეთ გამდნარი შავი შოკოლადით.

      შემდეგ, წვრილი ჩხირის წვერი გაატარეთ შოკოლადის ზოლების პერპენდიკულარულად, რათა მიიღოთ სურათზე წარმოდგენილი ეფექტი.

გემრიელად მიირთვით!