როგორც ჩინელები ამბობენ, არასოდეს იქნება თქვენი ვიზიტი ჩინეთში სრულყოფილი თუ თქვენ არ ნახავთ დიდ კედელს ან არ გასინჯავთ პეკინურ შემწვარ იხვს, რომელიც გაზიარებთ ჭეშმარიტი ჩინური სამზარეულოს გემოს... გაგაცნობთ ჩინურ კულტურას...

ეს არის ძალიან ცნობილი და გემრიელი კერძი თავისი ხანგრძლივი, საუკუნოვანი ისტორიით.

ამ კერძის მომზადების საიდუმლო  ცნობილი გახდა 1330 წელს საიმპერატორო სამზარეულოს მეთველყურის ჰუ სიჰუის მიერ.

დროთა განმავლობაში კი ეს რეცეპტი რამდენჯერმე შეიცვალა, თავდაპირველად, სუნის დინასტიის დროს X-XIII საუკუნეებში მას თიხის გარსში წვავნდენ,

  XIII საუკუნის ბოლოსა და XIV საუკუნის დასაწყისში კი იხვში დებდნენ ცხვრის ხორცის ფარშს, რათა დამპყრობელი მონღოლებისთვის მათი გემოვნების შესაფერისი კერძი შეეთავაზებინათ.

მინის დინასტიის ეპოქაში კი იხვს ისეთ მარინადში დებდნენ რომლის საშუალებითაც ხორცი განსაკუთრებულ ნაზ გემოს იძენდა და ჰქონდა თეთრი ფერი და თხელი კანი.

დღესდღეობითაც, თანამედროვე ეპოქაში ეს კერძი მომზადების რთულ და ხანგრძივ გზას გადის. მის მომზადებას თითქმის მთელი დღე-ღამე სჭირდება.

შემადგენლობა:

1. იხვი - 2,5 კგ
2. თაფლი - 2 ს.კ
3. მშრალი ხერესი - 2 ს.კ
4. თეთრი ძმარი - 1 ს.კ
5. სახამებელი - 3 ს.კ
6. წყალი - 6 ჭიქა (1500მლ)

მომზადება:

• მოაჭერით ფრთების წინა ნაწილი და ცხიმი, გარეცხეთ წყლით და შეამშრალეთ ქაღალდის ხელსახოცით
• 6 ჭიქა წყალი ჩაასხით ქვაბში, დადგით მაღალ ცეცხლზე და მიიყვანეთ ადუღებამდე
• როცა ადუღდება დაამატეთ 2 ს.კ თაფლი და ურიეთ რომ გაიხსნას
• შემდეგ დაამატეთ 2 ს.კ ხერესი, და 1ს.კ ძმარი
• ნარევი მიიყვანეთ ადუღებამდე
• ამასობაში ერთმანეთს შეურიეთ 1/3 ჭიქა წყალი და 3 ს.კ სახამებელი, ურიეთ სანამ სახამებელი არ გაიხსნება და ერთიანი მასა არ გახდება
• ეს მასა დაამატეთ მდუღარე ქვაბში, მოურიეთ და მიიყვანეთ ადუღებამდე
• შემდეგ ამ ნარევში ფრთხილად ჩაუშვით იხვი, გამოიყენეთ კოვზი რათა სრულად დაფაროთ იხვი ნარევით, რაც უფრო დიდხანს გააჩერებთ იხვს მით უფრო ტკბილი ხორცი ექნება
• შემდეგ 6 საათით გამოაშრეთ ჰაერზე, ეს მოაშორებს სინესტეს და კანი დაიჭიმება
• ლანგარზე დაასხით 3-5სმ_ის სიმაღლეზე წყალი და ისე შედგით ქურაში იხვი, ეს მას შეუნარჩუნებს სინოტივეს, შეწვით 260 გრადუსზე
• 30 წუთის შემდეგ ამოაბრუნეთ, და შეწბით კიდევ 45 წუთი, ბოლოს ისევ ამოაბრუნეთ კიდევ 30 წუთი შეწვით.
• ამ კერძს ჩინელები ტრადიციულად სოიოს მოტკბო სოუსთან, ჰოისინთან და კიტრთან ერთად მიირთმევენ