1923 წელს ქალაქ ქუთაისში დაიბადა დიდი შემოქმედი და ხელოვანი, არსენ ფოჩხუა. მსურს გესაუბროთ მასზე, ვინც დიდად შეუწყო ხელი ხეზე-ბზაზე-კვეთილობის ხელმეორედ დაბადებას და მის წინსვლა-განვითარებას. არსენ ფოჩხუას შემოქმედებითმა ფანტაზიამ, გამომგონებლობამ და დაუღალავმა ძიებამ კარგი ნაყოფი გამოიღო. დღეს იგი ერთადერთი მხატვარია საქართველოში, მცირე პლასტიკური ხელოვნების ამ მაღალ ჟანრს- ბზაზე კვეთას რომ თავი მოაბა. მის მიერ ბზაზე ამოკვეთილი ნამუშევრბი ყურადღებას იპყრობენ პლასტიკურიბით, მდიდარი წარმოსახვითა და პროფესიული ტექნიკით. მან საგანგებო ინსტრუმენტები შექმნა, შეიმუშავა მათი მომარჯვების ნაირგვარი ხერხები. შექმნა ბზის დამუშავების ორიგინალური ტექნოლოგია და საბოლოოდ დაიმორჩილა, შეიჩვია და მეგობრად გაიხადა.

     არსენი გატაცებით ხატავდა, კვეთდა, კაზმავდა და აქანდაკებდა. აცოცხლებდა სათუთ და ფაქიზ ქმნილებებს. არსენმა შეძლო საკუთარი მხატვრული ინდივიდუალობის ჩამოყალიბება. გმირის ხასიათის წვდომა. თავისი საქმის დიდი სიყვარულით, მტკიცე ნებისყოფით, პრინციპულობითა და შრომისმოყვარეობით, მან მიაღწია პროფესიულ დაოსტატებას.

     შემოგთავაზებთ მის ნამუშევრებს და თავად დამერწმუნებით, რომ არსენი თავის ქმნილებებში უმღერის სიკეთეს, სილამაზეს, მშვენიერებას. მისი ნამუშევრები ხალისიანი და მაჟორული განწყობილებისაა.