წმინდა მამა იოანე მანგლელი დაბადებულა 1666 წელს ქრისტიანულ ოჯახში. აღუზრდიათ დავით გარეჯის მონასტერში. იქვე აღუკვეცავთ ბერად.

      წმინდა მამა მოწყალე ყოფილა გლახაკთა და სნეულთა მიმართ. მღვდელმონაზონს მრავალი გლახაკი და ობოლი აღუზრდია.ზოგი ერისკაცად დარჩელია, ზოგიც სასულიერო პირი გამხდარა.

      წმინდა მამამ ამხილა რჯულშეცვლილი მეფე იესე, რომელმაც დედისძმას ცოლი წაართვა. ბაქარმა, ვახტანგ VI-ის ძემ იესე ციხეში ჩასვა, ხოლო იოანე მანგლელი ეპისკოპოსად აკურთხა.

      მანგლისის ეპარქია მალე ოსმალებამ მოაოხრეს და იოანე იძულებული გახდა ხისრის მონასტერში გახიზნულიყო. წმინდა მამამ მოიარა კახეთი ქადაგებით, შემდეგ კი დაღესტანში გადავიდა. 1724 წელს ჯერ ხის სამლოცველო, შემდეგ კი ღვთისმშობლის სახელობის ქვის ეკლესია ააგო.

      წმინდა მამის მოღვაწეობა იმპერატორს პეტრე დიდსაც შეუტყვია და ნივთიერი შემწეობაც აღმოუჩენია. წმინდა მამა 1737 წელს ასტრახანში გადასულა, სადაც იმყოფებოდა ვახტანგ მეექვსე და ქართველი ემიგრანტები. ასტრახანში წმინდა მამამ იოანე ღვთისმეტყველის სახელობის ტაძარი ააგო, შემდეგ ყიზრალში ჯვართამაღლების ტაძარი.

      განსაკუთრებით იღვწოდა ინგუშების მოსაქცევად. მრავალ სასწაულს აღასრულებდა.

      ანდერძად დაიბარა - გარეჯში იოანე ნათლისმცემლის უდაბნოში დაესაფლავებინათ.

      1751 წელს 85 წლის ასაკში გარდაიცვალა წმინდა მამა იოანე. დაკრძალეს ჯვართამაღლების მონასტერში. გარდაცვალებიდან ერთი წლის შემდეგ იმპერატრიცა ელისაბედს გამოცხადებია და უთხოვია სამშობლოში გადასვენება.

      სინოდის კურთხევით და თეიმურაზ მეორის ბრძანებით ცხედარი თბილისში სიონის საკათედრო ტაძარში დაკრძალეს.

      წმინდანის საფლავი ორჯერ გახსნეს. პირვლად როცა გიორგი XII-ის ძე სახადით გახდა ავად. წმინდანის თითი პირსა და თვალზე დაადეს სნეულს და მეორეჯერ როცა მეფის ასული თამარი გახდა ავად. წმინდა მამამ ორივე განკურნა. მეფეს ვერცხლით მოჭედილი ხატი შეუწირავს.

◄ გუშინ | დღეს | ხვალ ►