წმინდა მამა დაიბადა პამფილიის ქალაქ პერღამში. მამა სენატორი ჰყავდა, დედა თვთისმოსავი ქალი.

      წმინდა მამა კალიოპეს მამა ადრე გარდაეცვალა. დაქვრივებულმა თეკოიამ შვილი ქრისტიანულად აღზარდა.

      მალე დაიწყო ქრისტიანთა დევნა. წარმართებმა კალიოპე დააბეზღეს. როცა დედამ ეს ამბავი შეიტყო შვილი კილიკიაში გააგზავნა. სწორედ იმ დროს როცა წმინდა მამა კილიკიაში ჩავიდა ზეიმობდნენ წარმართულ დღესასწაულს. მასაც შესთავაზეს მონაწილეობა მიეღო ნადიმში, რაზეც უარი განაცხადა, აღიარა რომ ქრისტიანი იყო.

      ქალაქის მართველმა ქრისტეს უარყოფისთვის ჭაბუკს თავი ასულის ხელი შესთავაზა. უარის მიღების შემდეგ კი ბრძანა მისი წამება.

      გამხმარი ხარის ძარღვებით სცემეს, შემდეგ რკინის ბორკილზე გადააკრეს და ნელ ცეცხლზე დაუწყეს წვა, ბოლოს კი ცოცხალ-მკვდარი საპყრობილეში შეაგდეს.

      როცა ეს ამბავი დედამ გაიგო მონები გაანთავისუფლა, ფული გლახაკებს დაურიგა და შვილთან წავიდა. მოისყიდა დარაჯები, შვილთან შევიდა და გაამხნევა.

      მეორე დღეს, დიდ ხუთშაბათს, მართველის ბრძანებით წმინდა მამა ჯვარზე გააკრეს.

      დედის თხოვნით წმინდა მამა თავდაღმა მიალურსმნეს. თავს არ თვლიდა ღირსად მაცხოვრის მსგავსად აღსრულებულიყო.

      წმინდა მამა პარასკევამდე ეკიდა ჯვარზე. გარდაიცვალა მაცხოვრის ჯვარცმის დღეს. ჯვრიდან გარდამოხსნილი შვილი დედამ გულში ჩაიკრა. მადლობა შესწირა უფალს და თავისი სული მიაბარა.

      ქრისტიანებმა დედა-შვილი ერთად დამარხეს.

◄ გუშინ | დღეს | ხვალ ►