ვასილ კანდინსკი დაიბადა 1866 წლის 16 დეკემბერს ქ. მოსკოვში, მან თავისი ბავშვობა გაატარა ოდესაში. კანდინსკიმ ადრეულ ასაკში გამოამჟღავნა ინტერესი ხმების, სიტყვების და ფერებისადმი, ამიტომ მამამისმა შეიყვანა იგი ხატვაზე, პიანინოს და ჩელოს გაკვეთილებზე. მიუხედავად იმისა რომ იგი ხატვაზე ბავშვობიდანვე დადიოდა, კანდინსკიმ მხატვრობას სერიოზულად მოკიდა ხელი 30 წლის ასაკში. მან დაამთავრა მოსკოვის უნივერსიტეტი, სადაც ეკონომიკას და ეთნოგრაფიას სწავლობდა, თუმცა ნელ-ნელა იზრდებოდა მისი ინტერესი ფერების სიმბოლიზმისადმი, მას აინტერესებდა მათი ზეგავლენა ადამიანის ფსიქიკაზე.

კანდინსკის ფერწერულმა ნამუშევრებმა დიდი როლი ითამაშა თანამედროვე ფილოსოფიაში, კერძოდ აბსტრაქტული ექსპრესიონიზმის ჩამოყალიბებაში. მისი ანალიზი ფერის თვისებების შესახებ და იდეები, შთაგონების წყარო გახდა სხვა მხატვრებისთვის. იგი გარდაიცვალა 1944 წელს. კანდინსკიმ საფუძველი ჩაუყარა მე-20 საუკუნის თანამედროვე ხელოვნებას. იგი აბსტრაქციონიზმის დამფუძნებელია.

"ხელოვნების ყველა დარგში, აბსტრაქტული ხელოვნება არის ყველაზე რთული, რადგან იგი მოითხოვს რომ თქვენ იცოდეთ არამარტო კარგად ხატვა, არამედ გქონდეთ მომატებული მგრძნობელობა ფერებისა და მათი შემადგენლობისადმი, და თქვენ უნდა იყოთ ნამდვილი პოეტი. ეს ბოლო აუცილებელია." კანდინსკი