კაპელა ბრანკაჩი

     მაზაჩოს ფუნჯს ეკუთვნის კაპელა ბრანკაჩის ფრესკები სანტა მარია დელ კარმინეს ეკლესიაში (ფლორენცია), რომელიც მისი მთავარი მონუმენტური ნამუშევარია. ისტორიკოსთა ცნობით, მასზე სხვადასხვა ოსტატები მუშაობდნენ. სტილური თვალსაზრისით ის არქაულობის ნიშნებს ატარებს. განარჩევენ მხატვრობაში მხატვარ მაზოლინოს ხელს სცენაში "ცოდვით დაცემა", რომელიც ადრე მაზაჩოს მასწავლებლად მიაჩნდათ. თვით მაზაჩოსია "სამოთხიდან განდევნა" და სცენები წმ. პეტრეს ცხოვრებიდან.

სამოთხიდან განდევნა

     "სამოთხიდან განდევნის" სცენაში, რომელიც პილასტრზეა დაწერილი, მაზაჩო მოძრაობაში გადმოგცემს ადამისა და ევას ფიგურებს, ორივენი ერთი მხრიდან არიან განათებულნი, რითიც ხდება მათი მოცულობითობის გადმოცემა. ისინი სხვადასხვა სიბრტყეზე არიან წარმოდგენილნი, რითაც მეტად იქმნება სივრცობრიობის შთაბეჭდილება. წითელფრთიანი ანგელოზის მრისხანე ჟესტის შემხედვარე ადამი და ევა შეძრწუნებით გარბიან.

სტატირიკის სასწაული

წმიდა პეტრე

"სამება". სანტა მარია ნოველლას ეკლესია. ფლორენცია