მეხუთე მსოფლიო კრება 553 წელს იუსტინიანე I-ის მეფობის დროს გაიმართა კონსტანტინეპოლში. კრებას ხელმძღვანელობდა კონსპანტინეპოლის პატრიარქი ევტიქი. სულ ესწრებოდა 165 ეპისკოპოსი. კრებას არ დასწრები კონსტანტინეპოლში მყოფი პაპი ვირგილიუსი (3– ჯერ მიიწვიეს მღვდელმთავრებმა და თვით იმპერატორმა). კრებაზე განიხილეს თეოდორე მოფსუეტელის, თეოდორიტე კვირელისა და იბა ედესელის თხზულებები, სადაც ნესტორიანულ შეხედულებებს გამოთქვამდნენ. ქალკედონის კრებამ, რომელმაც შეაჩვენა მონოფიზიტები, ეს მღვდელმთავრები არ განუსჯია, რის გამოც ევტიქის მიმდევრები კრების მონაწილეებს ნესტორიანელობაში დებდნენ ბრალს. მართმადიდებელთა გმობა რომ გაქარწყლებულიყო იუსტინე მეფემ გამოსცა ბრძანება, სადაც გაკიცხული იყო სამივე მამა, მაგრამ ბრძანებამ საყოველთაო აღიარება ვერ მოიპოვა და წარმოიქმნა დავა. კრებაზე ''სამივე თავი " საგულდაგულოდ განიხილეს. ჩატარდა 8 სხდომა.

      საბოლოოდ თეოდორე მოფსუეტელი და მისი სწავლება ანათემას გადაეცა. შეჩვენებულ იქნა თეოდორიტე კვირელისა და იბა ედესელის რამდენიმე თხზულება. თავად ეს მამები შეწყალებულ იქნენ. პაპი ვიგილიუსი, როგორც ერეტიკოსთა თანამდგომი, ეკლესიიდან განკვეთეს, მაგრამ კრების შემდგომ იგი შეუერთდა მამათა საერთო აზრს და ხელი მოაწერა კრების დადგენილებას.

      კრების მამებმა განიხილეს და შეაჩვენეს III საუკუნის ცნობილი საეკლესიო მოღვაწის, ორიგენეს მწვალებლური სწავლება. ასევე დაიგმო ის ერეტიკოსებიც, რომლებიც საყოველთაო მკვდრეთით აღდგომას უარყოფდნენ.

◄ გუშინ | დღეს | ხვალ ►