მენელსაცხებლე დედათაგან ერთ–ერთი. წარმოშობით ებრაელი, ქალაქ მაგდალიდან. უფლის ერთგული მოწაფე, მოციქულთასწორი. ესწრებოდა ჯვარცმას ღვთისმშობელთან და იოანე ღვთისმეტყველთან ერთად, როცა სხვა მოწაფეები გაფანტულები იყვნენ. ღირსი შეიქმნა აღმდგარი მაცხოვრის ხილვის.

      საეკლესიო გადმოცემის თანახმად მშვენიერი და მომხიბვლელი მარიამი (ებრაულად მარიამი ქალბატონს ნიშნავს), თავშეუკავებლად ცხოვრობდა. სახარების მიხედვით უფალმა მისგან შვიდი ეშმაკი განდევნა. ამის შემდეგ კი უფლის ერთგული მოწაფე გახდა. წმინდა წერილში არაფერია ნათქვამი აღდგომის შემდეგ მარიამის ცხოვრების შესახებ, მაგრამ უეჭველია რომ ამაღლებამდეც უფლის გვერდით იქნებოდა.

      როცა სულიწმინდით აღვსიმა მოციქულებმა დატოვეს იერუსალიმი და საქადაგებლად სხვადასხვა მხარეს წავიდნენ მარიამი რომში ჩავიდა და იმპერატორ ტიბერიუს ეახლა, ძღვენი მიართვა და ახარა ქრისტეს აღდგომა.

      იმპერატოს დაუჯერებლად ეჩვენებოდა ქრისტეს აღდგომა. ეს ფაქტი წარმოუდგენელი იყო მისთვის. ეს იგივე იყო, მარიამის ძღვენი - კვერცხი გაწითლებულიყო. იმპერატორმა სიტყვაც ვერ დაასრულებულა. კვერცხი ჯერ გავარდისფრდა, შემდეგ კი გაწითლდა.

      სწორედ აქედან მომდინარეობს სააღდგომოდ კვერცხის წითლად შეღების ტრადიცია.

      ამის შემდეგ მარიამი იტალიასა და რომში განაგრძნობდა მოციქულეობრივ ღვაწლს. სავარაუდოდ რომაელთა მიმართ ეპისტოლეში პავლე მოციქული სწორედ მარიამ მაგდალინელზე საუბრობს: "კითხვაი აქუნთ მარიამს, რომელ–იგი ფრიად დაშვრა ჩვენდა მომართ".

      მოციქულთასწორმა მარიამმა უფალს სული ეფესოში შეჰვედრა. მეცხრე საუკუნემდე წმინდანის უხრწნელი ნაწილები კონსტანტინეპოლში და წმინდა ლაზარეს სახელობის მონასტერში დააბრძანეს. ჯვაროსნული ლაშქრობების დროს რომში გადაიტანეს და იოანე ლატერანის საკურთხევლის ქვეშ დაკრძალეს. ნაწილი წმინდა ნაწილებისა საფრანგეთშია, მარსელის ახლოს მისივე სახელობის მონასტერში. წმინდანის მარჯვენა მტევანი კი ათონზე წინდა სიმონ–პეტრეს მონასტერშია დაბრძანებული.