ქირურგი მოვიდა საავადმყოფოში, რადგან დაურეკეს, რომ პაციენტს ესაჭიროებოდა გადაუდებელი ოპერაცია.პალატასთან იცდიდა პაციენტის მშობელი, რომელიც ყვირილით მიეჭრა ექიმს:

- ამდენი ხანი სად იყავით?არ იცით რომ ჩემი შვილი საფრთხეშია?პასუხისმგებლობის გრძნობა საერთოდ არ გაქვთ?

- როგორც კი დამირეკეს მაშინვე გამოვეშურე თქვენი შვილის დასახმარებლად.ვეცადე სწრაფად მოვსულიყავი.გირჩევთ დამშვიდდეთ და მომცეთ საშუალება გავაკეთო ჩემი საქმე. უპასუხა ქირურგმა.

- დავმშვიდდე?თქვენი შვილი რომ იყოს ჩემი შვილის ადგილზე, თქვენი შვილი რომ კვდებოდეს თქვენ დამშვიდდებოდით?

  ექიმმა გაიღიმა და უპასუხა:-საღმრთო წიგნში წერია:'მიწა ხარ და მიწად იქეც".ექიმებს არ შეუძლიათ პაციენტებისათვის უკვდავების ჩუქება.ილოცეთ თქვენი შვილისთვის!

- აბა რა, რჩევის მიცემა, როცა საქმე თქვენ არ გეხებათ იოლია.ჩაილაპარაკა მამამ.

  რამდენიმე საათის შემდეგ ქირურგი გამოვიდა საოპერაციოდან და მამას მიულოცა:გილოცავთ, თქვენი შვილი გადარჩა.თუ გექნებათ შეკითხვები ექთანს მიმართეთ.თქვა მან და ისე რომ არც დალოდებია მამის პასუხს სწრაფი ნაბიჯებით დატოვა შენობა.

  როცა ექთანი გამოჩნდა, პაციენტის მშობელმა მაშინვე გააკეთა ქირურგის მოულოდნელ გაუჩინარებაძე კომენტარი:

- რატომ არის ასეთი ამპარტავანი ეს ქირურგი?არც კი დაიცადა რომ ჩემი შვილის მდგომარეობის შესახებ მეკითხა მისთვის. თვალცრემლიანმა ექთანმა უპასუხა:

- მისი შვილი დაიღუპა ავტოავარიით.დაკრძალვაზე იყო, როცა დავურეკეთ რომ სასწრაფოდ მოსულიყო საავადმყოფოში და ოპერაცია გაეკეთებინა თქვენი შვილისთვის, გადაარჩინა თქვენი ვაჟი და მალევე წავიდა რომ დაესწროს შვილის დაკრძალვას.

  არასდროს განვსაჯოთ ადამიანები, რადგან არ ვიცით რახდება მათ ცხოვრებაში.

წყარო: intermedia