ნეტარია კაცი,რომელსაც ღვთის სიყვარული გააჩნია,რამეთუ მასში ღმერთი მკვიდრობს,რამეთუ ღმეთი სიყვარულია და ყველას,ვისაც ღვთის სიყვარული აქვს,ღმერთი მასთანაა მარადის.და ვისთანაც ღმერთია,მას ძალუძს ყოველგვარი მტრის დაძლევა.ვისთანაც სრული სიყვარულია,იგი არავის შეურაცყობს,არც მცირედსა და არც დიდს,არც მდიდარსა და არც ღარიბს,არამედ მას თავისი თავი ყველაზე უარესად,ყველაზე ნაკლებათ და ყველაზე უღირსად მიაჩნია.იგი ყვალაფერს იტვირთავს,ყველაფერს მოითმენს.ვისაც სიყვარული გააჩნია,ის მოყვასზე არ იმედიდურებს,არც იბატონებს,არც არავის განიკითხავს და თუკი სხვა ვინმე განიკითხავს მოყვასს,ის არ გახდება მისი თანა ზიარი,არამედ ამხელს და მოაქცევს.

ვისაც სიყვარული გააჩნია,არ იმეგობრებს მზაკვართან,არც ამპარტავანთან.ვისაც სიყვარული გააჩნია,მას არ სურს ცოდვილთა სიმდიდრე,არამედ ზრუნავს მათთვის,ლმობიერათ ასწავლის მათ ანუგეშებს.როცა მოყვასს გასაჭირსა და განსაცდელში ჰპოვებს,მისთვის წუხს და განიცდის და მთელი თავისი ძალ ღონით შეეწევა მას სიკვდილამდე.  

ვისაც სიყვარული გააჩნია,არ უგულებელყვობს უცხოს,არამედ სიყვარულით შეიწყნარებს მას და მყისვე მოასვენებს.ვისაც სიყვარული გააჩნია,იგი აღასრულებს ღვთის ნებას და ქრისტეს ჭეშმარტი მოწაფეა,რამეთუ ჩვენმა მაცხოვარმა ასე უთხრა სანატრელ მოციქულებს:"ამით უწყოდიან ყოველთა,ვითარმედ ჩემნი მოწაფენი ხართ,ოდეს იყვარებოდეთ ურთიერთს,,

ვისაც სიყვარული გააჩნია,იგი საკუთრად არაფერს მიიჩნევს,არმედ ყველაფერი,რაც აბადია,სხვისთვის ნებავს.ვისაც სიყვარული გააჩნია,არვის თვლის უცხოდ,არამედ ყველას თავის მეგობრათ ხედავს და არასოდეს აღშფოთდება და არ გაიხარებს ძმის ბოროტების გამო,და არც ცილს დასწამებს,და არც არავის მტრობას ჩაიებს გულში,ეშმაკის გარდა,არამედ ყველაფერს სულგრძელობით მოითმენს.

ნეტარია კაცი,რომელმაც სიყვარული მოიპოვა და ასე წარსდგა ყოველთა დამბადებელი ღმერთის წინაშე,რომელმაც უწყის თავისი ბეჭედით აღმბეჭდილნი და შეიწყნარებს მათ თავის სასუფეველში,თავის ანგელოზებთან ერთად და ისინი დამკვიდრდებაინ ქრისტესთან.რადგან ძე,ღვთისა სიყვარილისთვის მოვიდა ამ ქვეყნათ და სიყვარულით გაგვიღო სამოთხე,სიყვარულის გამო გვიჩვენა ზეცად ამავალი გზა,რადგან განდგომილნი და ღვთის მტრები ვიყავით და სიყვარულით შეგვარიგა მამას,ამის გამო გვმართებს თქმად,რომ ღმერთი სიყვარულია და ვინც სიყვარულით იარსებებს, იგი სამარადისოდ ღმერთთან იქნება.

წმინდა ეფრეს ასური