მარს კურიოზიტის(ცნობისმოყვარობა) პროექტის ღირებულება 2.5 მილიარდ დოლარს შეადგენს და მასზე 400_ზე მეტი მეცნიერი და ინჟინერი მუშაობს. თითქმის ცხრათვიანი კოსმოსური მოგზაურობის შემდეგ 6 აგვისტოს კურიოზიტი წარმატებით დაეშვა მარსის ზედაპირზე. ის აგჭურვილია 15–მდე საკვლევი ინსტრუმენტით, რომლითაც მარსის ატმოსფრო და ნიადაგი დღემდე არნახული სიზუსტით იქნება შესწავლილი, თანაც გაცილებით უფრო ფართო არეალზე ვიდე ეს წინა მისიების შემთხვევაში იყო. მისი მთავარი მიზანია ორგანული ნაერთების ძიება: არის თუ არა ან იყო თუ არა მარსზე ადრე სიცოცხლე?! ამასთანავე შესწავლილი იქნება მარსზე ადამიანის დაშვების პირობები.

კურიოზიტი თავის წინამორბედებზე ორჯერ დიდია და 900კგ. იწონის. ფუნქციონირებისათვის საჭირო ენერგიას ის რადიაქტიული პლუტონიუმისგან იღებს.

მან დაშვებისთანავე გადაიღო ფოტოები, მოგვიანებით კი ატმოსფეროსა და ნიადაგის ნიმუშების შეგროვება და დამუშავება დაიწყო. ამისთვის პირველად იყო გამოყენებული ლაზერული გამოსხივება. როგორც მისმა ერთერთმა ინჟინერმა ინტერვიუში ხუმრობით განცხადა, ექსპერიმენტისას არცერტი მარსიანელი არ დაზარალებულა.

რამდენიმე დღის წინ კურიოზიტმა თავისებური კონცერტიც კი გამართა: Reaching the stars "იმღერა" (ანუ დედამიწისკენ გამოუშვა ჩანაწერი) და ადამიანებმა პირველად მოისმინეს მარსიდან გამოგხზავნილი ხმა. ამის შემდეგ მან მოგზაურობა დაიწყო და გაემართა 400 მეტრით დაშორებული ადგილისკენ, სახელად გლენელგი, სადაც ნიმუსების შეგროვებას და ანალიზს განაგრძობს.

უკვე ერთი თვე რაც კურიოზიტი მარსს სტუმრობს. ენერგეტიკული რესურსი ერთ წელზე მეტ ხანს უნდა ეყოს.