მართმადიდებელი ეკლესიის სწავლების მიხედვით

       წინამდებარე წიგნში გადმოცემულია მართლმადიდებელი ეკლესიის სწავლება წმიდა უხორცო ძალთა შესახებ. წიგნის პირველი ნაწილი ეძღვნება ზოგადად ანგელოზთა სამყაროსა და ანგელოზთა ცხრა დასის აღწერას. შემდეგ გიამბობთ ღმრთის შვიდ მთავარანგელოზსა და ზეციურ ძალთა მხედართმთავარ მიქაელზე, აგრეთვე ჩვენი ხსნის მახარობელ გაბრიელზე. აქვე გაიგებთ, თუ როგორ ზრუნავს კაცთმოყვარე ღმრთის მიერ წმიდა ნათლისღებისას დადგენილი მფარველი ანგელოზი ყოველ მართლმადიდებელ ქრისტიანზე.

       წიგნის მეორე ნაწილში მოყვანილია შემთხვევები ეკლესიის ისტორიიდან და წმიდანთა ცხოვრებიდან, თუ როგორ იცავენ წმიდა ანგელოზები ღმრთისმოშიშ ადამიანებს და განუცხადებენ მათ საღმრთო სიმართლეს, განამტკიცებენ წმიდა მოწამეებს ღვაწლში და შეეწევიან ყოველ კეთილმორწმუნე ადამიანს ამ სოფლიდან მარადიულ ცხოვრებაში მიცვალების ჟამს. წიგნში ასევე შეხვდებით უკანასკნელ საუკუნეებში ანგელოზთა მიერ აღსრულებულ სასწაულებს. განსაკუთრებული ადგილი ეთმობა საქართველოსთან დაკავშირებულ ანგელოზთა გამოცხადებებსა და საკვირველებებს. კრებულში თავმოყრილია გაზეთ "მრევლში" სხვადასხვა დროს გამოქვეყნებული მასალები, აგრეთვე სხვადასხვა საეკლესიო თუ ისტორიული წყაროებიდან აღებული სწავლებანი და გადმოცემანი.

• ანგელოზთა სამყარო მართლმადიდებელი ეკლესიის სწავლებით •