წინასიტყვაობა

      წინამდებარე სახელმძღვანელოში მოცემულია წლების განმავლობაში ავტორების მიერ სტუ-ში წაკითხული ზოგადი ფიზიკის კურსის ლექციების მოკლე ჩანაწერი. სახელმძღვანელო მეტწილად განკუთვნილია უმაღლესი პროფესიული სწავლების სტუდენტებისთვის – მასში მასალა გადმოცემულია საკმარისად მოკლედ, თუმცა, იმავდროულად, მკითხველისთვის მისაღები და მოსახერხებელი სახით. მოყვანილია ძირითადი, საპროგრამო ფიზიკური სიდიდეე- ბის განმარტებები, ფორმულირებულია ფიზიკის ფუნდამენტური კანონები, აღნიშნული კანონების და მათი დამახასიათებელი ფიზიკური სიდიდეების აღმწერი მათემატიკური ფორმულები. საჭიროების შემთხვევაში მოიცემა მოვლენის გრაფიკული აღწერაც. მასალა გადმოცემულია ტექნიკური უმაღლესი სასწავლებლებისთვის რეკომენდებული ზოგადი ფიზიკის კურსის პროგრამის მიხედვით.

      სახელმძღვანელო მოიცავს ფიზიკის სრულ პროგრამას – ყველა ძირითად, პროგრამით გათვალისწინებულ საკითხს. გამოდგება როგორც ორ, ასევე ერთსემესტრიანი სწავლებისას ყველა სპეციალობის სტუდენტებისთვის. ერთსემესტრიანი სწავლებისას კურსის წამყვან მასწავლებელს შეუძლია ამოიღოს პროგრამიდან მისი აზრით მოცემული სპეციალობისთვის ნაკლებად მნიშვნელოვანი საკითხები და მეტი დრო დაუთმოს სავალდებულო და აუცილებელ, სპეციალობისთვის საჭირო საკითხებს.

      ავტორები მადლიერებით მიიღებენ ყველა შენიშვნასა თუ სასარგებლო მოსაზრებას და აუცილებლად გაითვალისწინებენ მომდევნო გამოცემებში.

იხილეთ წიგნი:

"ფიზიკა"