"ელინები ამბობენ, რომ ვარსკვლავებისა და, აგრეთვე, მზისა და მთვარის ამოსვლის, ჩასვლისა და მათი თანშეყრის შედეგად განეგება ყოველივე ჩვენეული. ამის შესახებ არსებობს ასტროლოგია. ჩვენ კი ვამბობთ, რომ ის ნიშნები, რაც მათგან ხდება, ეხება წვიმასა თუ უწვიმრობას, სიგრილესა თუ სითბოს, სინოტივესა თუ სიმშრალეს, აგრეთვე, ქარს და სხვა ამგვარს, მაგრამ არანაირად - ჩვენეულ საქმეებს; თვითუფლებრივნი დავიბადეთ ჩვენ შემოქმედისგან, რის გამოც ჩვენეულ საქმეთა უფროსები ვართ. მართლაც, თუ ვარსკვლავების მსვლელობის მიხედვით ვაკეთებთ ყოველივეს, ესე იგი აუცილებლობის მიხედვით ვაკეთებთ, რასაც ვაკეთებთ, მაგრამ ის, რაც აუცილებლობის მიხედვით კეთდება, არც სათნოებაა, არც ბოროტება. ამიტომ, თუ არც სათნოებას ვფლობთ, არც ბოროტებას, აღარც ქებისა და სასჯელის ღირსნი ვყოფილვართ; ღმერთიც უსამართლო აღმოჩნდება მაშინ, რადგან ზოგისთვის სიკეთე უბოძებია, ზოგისთვის კი - გაჭირვება."

"მართლმადიდებლური სარწმუნოების ზედმიწევნითი გადმოცემა"

წმ. იოანე დამასკელი

წინასიტყვაობა

       "შესაქმე" ეწოდება ბიბლიის პირველ წიგნს, სადაც მოთხრობილია ღვთის მიერ სამყაროს შექმნა და დედამიწაზე პირველ ადამიანთა ცხოვრების ისტორია. ყველა ეპოქაში აინტერესებდათ თუ როგორ გაჩნდა სამყარო და ადამიანი. ამის შესახებ ადამიანების მიერ ბევრი წიგნია დაწერილი, როგორც წინა საუკუნეებში , ისე თანამედროვე მეცნიერებაში, მაგრამ ეს ყველაფერი ადამიანურ ძალისხმევას მაინც ვერ სცდება და როგორც ზოგიერთი მეცნიერი აღიარებს, ასტროფიზიკაში უფრო მეტი კითხვის ნიშნებია სამყაროს წარმოშობასთან დაკავშირებით, ვიდრე ბიბლიურ კოსმოგონიაში. ამიტომ საინტერესოა იმის გაგება, თუ რას გვაუწყებს ის წიგნი, რომელიც დაწერილია ღვთის შთაგონებიათ და უფრო მეტად საინტერესოა იგი წმ. მამების განმარტებებთან ერთად, რომლებიც, ისევე როგორც მოსე, სულიწმინდის ძალით წერდნენ. ამისათვის განვიზრახეთ ერთად შეგვეკრიბა იმ მამათა განმარტებები “შესაქმის” წიგნზე, რაზეც კი ხელი მიგვიწვდა. ძირითადად გამოყენებულია შემდეგი წყაროები:

1. Св. Иоанн Златоуст, Беседы на книгу Бытия, М., 1993.
2. Св. Ефрем Сирин, Толкование на книгу Бытия // Восточные отцы и учители церкви IV века, 1999, том III.
3. წმ. ბასილი დიდი, ექვსთა დღეთათვის // საქართველოს ეკლესიის კალენდარი, 2000 წელი.
4. А. П. Лопухин, Толковая библия, том I.

       ხოლო თუ სხვა ლიტერატურიდან არის გამოყენებული რომელიმე კომენტარი, ეს მითითებული იქნება იქვე სქოლიოში.

თარგმნელ შემდგენელი: დავით თინიკაშვილი

იხ. წიგნი:

• შესაქმის განმარტება •

(ნაწილი პირველი)