ანრი რენე ალბერ გი დე მოპასანი გახლავთ ფრანგი მწერალი (ნოველისტი, პოეტი, რომანისტი). მას ახასიათებს, განსაკუთრებით ბოლო წლებში, სიმარტოვისადმი მიდრეკილება; აქვს რელიგიისადმი სიძულვილი. 1883 წელს მან დაწერა პირველი რომანი "წუთისოფელი", სადაც, მონასტერში აღზრდილი გოგონას ცხოვრებას გათხოვებამდე და გათხოვების მერე, ეტაპობრივად აღწერს და გვიჩვენებს ახლადშექმნილი ფრანგული ოჯახის სისუსტეებს. მაგალითად ამოვიკითხავთ: "ნუ ამბობთ მაგას, ქალბატონო, ნუ. თქვენ ცუდი ქმარი შეგხვდათ, ეს არის და ეს. მერე კიდევ, არ უნდა გათხოვდე ისე, თუ კარგად არ იცნობ საქმროს", - ამ ციტატას მე არ ვეთანხმები და ვუჯერებ გათხოვილ, ერთ კეთილსათნო ქალბატონს, რომელმაც ასე მომწერა: "ქორწინების შემდეგ ცოლსა და ქმარს შორის სულ ახალი გაცნობის ეტაპი იწყება, აუცილებლად უნდა გიყვარდეს, სანამ ოჯახს შექმნი, იმიტომ, რომ უეცრად თუ შენთვის რამე მოსაწონი არ იყოს, ამას სიყვარულის გარეშე ვერ გაუძლებ".