ეს წიგნი განკუთვნილია მათთვის, ვისაც ხატწერის შესწავლა სურს. ევროპაში, 1980-90-იან წლებში ხატწერის შესწავლის ნამდვილი ბუმი იყო. გერმანიაში, საფრანგეთში, ინგლისში და სხვა ქვეყნებში გახსნილი იყო ხატწერის მრავალი სკოლა და სახელოსნო, რომელთა ნაწილი ახლაც მოქმედებს. მე ხატწერის ზოგად თეორიულ საფუძვლებს თბილისში გავეცანი, ხოლო პრაქტიკულად გერმანიაში დავეუფლე. ჯერ ვასრულებდი ტრადიციული ბიზანტიური ხატების ასლებს, ხოლო შემდეგ მაცხოვრის, ღვთისმშობლისა, წმინდა ნინოს, წმინდა გიორგისა და სხვა ორიგინალური ხატებიც შევასრულე. ზოგიერთი მათგანი აქ, გერმანიის მართლმადიდებლურ ეკლესიაში ასვენია, ზოგი საქართველოში გავამგზავრე, ზოგიც ჩემთანაა.

      ამ წიგნის წერისას ვსარგებლობდი გერმანიაში, ქალაქ კასელში, ჩემი ბერძენი მეგობრის, მედიცინის დოქტორის – ელიას ლიმბეროპოლუსის მეტად მდიდარი ბიბლიოთეკით მართლმადიდებლური ხატების შესახებ, რისთვისაც მას დიდ მადლობას ვუხდი. მათ შორის განსაკუთრებული აღნიშვნის ღირსია ინგლისურიდან თარგმნილი და გერმანულ ენაზე გამოცემული Guillem Ramos-Poqui-ის ხატწერის სახელმძღვანელო "Wie male ich Ikonen richtig" რომელიც ამ წიგნში აღწერილი ხატწერის ტექნიკისა და მეთოდიკის ძირითადი წყარო გახდა. ხატწერის შესახებ ბევრი რამ რუსულ გამოცემებშიც მოვიპოვე.

დიმიტრი კენჭოშვილი, გერმანია, 2004 წელი.

წიგნის შესახებ უფრო ვრცლად წაიკითხეთ აქ: ხატწერის საფუძვლები

გადმოწერეთ წიგნი:

• ხატწერის საფუძვლები •