ონორე დე ბალზაკი (1799–1850)

ფრანგი მწერალი

÷

სასაკლაოს შემდეგ – გამარჯვება; გამარჯვების შემდეგ – ნადავლის განაწილება. და მაშინ ირკვევა, რომ გამარჯვებული გაცილებით მეტია, ვიდრე მეომარი იყო. ასეთია ყოველგვარი ომის ზნე-ჩვეულება.

÷

სისულელე, რომელსაც წარმატება არ მოაქვს, დანაშაულად ითვლება.

÷

ყოველი მეცნიერების გასაღები კითხვის ნიშანია.

÷

ზღვარს გადასვლა არ ნიშნავს მიზნის მიღწევას.

÷

სიყვარული და სიძულვილი, – აი, ორი გრძნობა, თავისსავე თავს რომ ასაზრდოებს; მაგრამ ამათგან სიძულვილი უფრო დიდხანს ცოცხლობს.

÷

ადამიანებს, გარეთ რომ ფენენ ყველაფერს, შიგნით აღარაფერი რჩებათ.

÷

დიდი პოლიტიკოსები, ბოლოს და ბოლოს, მხოლოდ ეკვილიბრისტები არიან; საკმარისია მოადუნონ ყურადღება, რომ მათი დიდებული ნაგებობებიდან ქვა ქვაზე აღარ რჩება.

÷

თანასწორობა შეიძლება უფლებაა, მაგრამ ვერავითარი ძალა დედამიწაზე ფაქტად ვერ აქცევს

მას.

÷

მწუხარება უსაზღვროა, სიხარულს კი ზღვარი აქვს.

÷

დიდება – მკვდართა მზე.

÷

დიადი ვნებები ისეთივე იშვიათნი არიან, როგორც ხელოვნების შედევრები.

÷

ჩვენი სინდისი შეუცდომელი მსაჯულია, ვიდრე ჩვენვე არ მოგვიკლავს იგი.

÷

უდაბნო – ღმერთი ადამიანების გარეშე.

÷

ყოველი ძალაუფლება უწყვეტი შეთქმულებაა.

÷

ფული იმისთვისაც კი საჭიროა, რომ მის გარეშე გახვიდე ფონს.

÷

ყველგან შინ ყოფნა შეუძლიათ მეფეებს, მეძავებსა და ქურდებს.

÷

სიძვას მეტი ბოროტება მოაქვს, ვიდრე ქორწინებას – სიკეთე.

÷

სიძუნწე იწყება იქ, სადაც მთავრდება სიღარიბე.

÷

დიდება უხეირო საქონელია. ძვირი ღირს, ცუდად ინახება.