ოტო ფონ ბისმარკი (1815–1898)

გერმანელი პოლიტიკოსი

÷

არასოდეს იმდენს არ ცრუობენ, რამდენსაც ომის დროს, ნადირობის შემდეგ და არჩევნების წინ.

÷

ჩვენ ყველანი ხალხი ვართ, მთავრობაც – ასევე.

÷

პოლიტიკა შესაძლებლის ხელოვნებაა.

÷

თავისუფლება ფუფუნებაა, რისი უფლებაც ყველას როდი შეუძლია მისცეს თავის თავს.

არისტოტელე (384–322 ძვ. წ. ა.)

ბერძენი ფილოსოფოსი

÷

დესპოტური სახელმწიფო ისეთი სახელმწიფოა, სადაც ყველა მონაა და მხოლოდ ერთია თავისუფალი.

÷

ქმედება – ესაა თეორიისა და პრაქტიკის ცოცხალი კავშირი.

÷

ყველას მეგობარი არავის მეგობარი არ არის.

÷

ერთსულოვნება – თანხმობა მიზნის მიღწევაში.

÷

სიქველის ფლობისთვის ცოდნა ცოტას ან სულაც არაფერს ნიშნავს.

÷

მადლიერება ყველაზე სწრაფად ბერდება.

÷

რამდენი რამ შეიძლება მოხდეს ღვინის თასსა და ბაგეს შორის.

÷

აღზრდა ბედნიერებაში სამკაულია, უბედურებაში – თავშესაფარი.

÷

თავდაჭერილობა იმაში მდგომარეობს, რომ წინ აღუდგე ვნებებს.

÷

სიმთვრალე ნებაყოფლობითი სიგიჟეა.

÷

გონიერება სხვა არა არის რა, თუ არა უზენაესი სიკეთისკენ მიმართულ ქმედებათა შერჩევისა და აღსრულების უნარი.

÷

სამშობლო იქაა, სადაც კარგად ვართ.

÷

თავდაჯერებულია ის, ვისაც სწამს თავისი უპირატესობა და სჯერა, რომ ცუდი არა შეემთხვევა რა.

÷

თავხედობა – თვითდამკვიდრება სხვის ხარჯზე.

÷

თავშეუკავებლობა ჩვეულებისმიერი ბიწიერებაა, აღვირახსნილობა – ბუნებისმიერი.

÷

ზნე – ხასიათის მყარი თვისება, გამოხატული ქცევის წესებით.

÷

სერიოზულობა სიცილით იმსხვრევა, სიცილი – სერიოზულობით.

÷

სინიდისი – კეთილი ადამიანის მართალი მსჯავრი.

÷

ქედმაღალი – კაცი, სიდიადის ნიმუშად რომ მოაქვს თავი.

÷

სტილის ღირსება სიცხადეა.

÷

ბედნიერება – კეთილდღეობისა და სიქველის ჯამი.

÷

უფრო მედგარი ისაა, ვინც სურვილებს სძლევს და არა მეომრებს, მამაცი კი ის, ვინც თავის თავს სძლევს.

÷

გონიერება მარტო ცოდნაში როდი მდგომარეობს, არამედ უნარშიც – საქმეს მოახმაროს ცოდნა.

÷

ღირსება ჯილდოა, სიქველისთვის მინიჭებული.

÷

სიშმაგე სიმამაცის ძალაა, განსაცდელის შესაგებებლად აღძრული.

ჟან ანუი (1910–1987)

ფრანგი დრამატურგი

÷

ყველას ჰგონია, რომ ღმერთი მის მხარესაა. მდიდარნი და ძლიერნი ამა ქვეყნისანი კი ამაში დარწმუნებულნი არიან.

÷

იმას, ვინც ბედნიერი იყო სიყვარულში, წარმოდგენაც არა აქვს მასზე.

÷

უცოლო კაცი მეფესავით ცხოვრობს, მაგრამ ძაღლივით კვდება; ცოლიანი კი ძაღლივით ცხოვრობს, მაგრამ მეფესავით კვდება.

÷

ქალი ყოველთვის თანაუგრძნობს მის მიერ მიყენებულ ჭრილობას.

÷

მხოლოდ ძველი გაზეთები უნდა იკითხო. ათი წლის შემდეგ ყველაზე ცუდი „ახალი ამბები“, ღმერთმანი, სასაცილო გეჩვენება.