ნინო ქათამაძე დაიბადა 1972 წლის 21 აგვისტოს, ბობოყვათში, აჭარის ავტონომიურ რესპუბლიკაში. სკოლის დამთავრების შემდეგ, 1990 წელს ჩაირიცხა ბათუმის მუსიკალურ ინსტიტუტში, ვოკალურ განყოფილებაში, სადაც მისი პედაგოგი მურმან მახარაძე გახლდათ. წარმატებული სტუდენტი არ ყოფილა და როგორც თავად იხსენებეს ხოლმე, განსაკუთრებით არ უყვარდა სოლფეჯიო. თუმცა თბილისის სახელმწიფო კონსერვატორიიდან მიწვევა მაინც მიიღო, რამაც ძალიან გააკვირვა. ამის შემდეგ იწყება მისი შემოქმედების ფართო მასებისთვის გაცნობა. პერიოდულად მონაწილეობას იღებს საქველმოქმედო ღონისძიებებში, ეხმარება სოციალურად დაუცველ და უნარ-შეზღუდულ არტისტებს და მათთვის სპეციალური საქველმოქმედო ფონდიც დააარსა 2004 წელს.

      ნინო ქათამაძე 1999 წლიდან თანამშრომლობს ჯგუფთან insight, რასაც მისთვის უფრო მეტი წარმატება მოაქვს. 2003 წელს ჩაიწერა პირველი საერთო ალბომი, სახელწოდებით - "Ordinary Day".

      მიუხედავად იმისა, რომ ნინო ქათამაძეს არ აქვს არცერთი ოფიციალური ვიდეო კლიპი, მისი პოპულარობა არა მხოლოდ საქართველოში, არამედ ქვეყნის საზღვრებს მიღმაც დიდი ხანია არ წყდება. ალბომები საქართველოს საზღვრებს გასცდა. მსოფლიოს სხვა და სხვა ქვეყნებში მისი კონცერტები ანშლაგით სრულდება.

ჯგუფ Insight_თან ჩაწერილი ალბომები:

• 2003 - "Ordinary day";
• 2004 - "Nino Katamadze & Insight";
• 2005 - "...Start New Peaceful Day...";
• 2006 - "White"; 
• 2008 - "Blue"; 
• 2010 - "Red";
• 2010 - "Red. Line";
• 2011 - "Green".

მიღებული აქვს სხვადასხვა ჯილდო, პრემია, პრიზი.

• 2002 - საუკეთესო ორიგინალური მუსიკა;
• 2002 - საუკეთესო ავტორი-შემსრულებელი;
• 2002 - პრემია "ოვაცია", წლის საუკეთესო მომღერალი;
• 2003 - პრემია "მეგა", წლის საუკეთესო მომღერალი;
• 2003 - პრემია "წლის სახეები", წლის სახე შოუ ბიზნესის სფეროში;
• 2004 - სპეციალური პრემია "ოძელა".