კასპის თეოდორე ტირონის სახელობის ეკლესია თარიღდება ფეოდალური ხანით. ტაძარი ბოლშევიკების მმართველობის პერიოდში დაანგრიეს. XX საუკუნის 90-იან წლებში ღვთის მადლით ტაძარი აღდგა, განახლდა, გამშვენდა და მოიხატა. ამის შემდეგ კი ტაძარში წირვა-ლოცვა კვლავ აღესრულება, კვლავ დაიკვლის მაცხოვარი მიმღებელთა მისთათვის და კვლავაც გალობენ ალილუიას...

     ტაძარში გალობა 2000 წლიდან აღდგა. არის ინფორმაცია, რომ მგალობელთა გუნდი კასპის თეოდორე ტირონის სახელობის ტაძარს ისტორიულად სულ ჰყავდა, მაგრამ გასულ საუკუნეში არათუ გალობა, თვით ტაძარის დანგრეული გახლდათ... ამჟამად ტაძარს მგალობელთა გუნდი ჰყავს, რომელიც ყოველ წირვა-ლოცვას მეტად იდუმალსა და ლამაზს ხდის. ათბობენ ტაძრის კედლებსა და  მრევლს თავისი კეთილხმოვანებით..

     წმინდა თეოდორე ტირონის მგალობელთა გუნდის რეგენტია ეკატერინე ყაზარაშვილი. მან დაამთავრა თბილისის, ვ. სარაჯიშვილის სახელობის სახელმწიფო კონსერვატორია. გარდა საეკლესიო მსახურებისა, ეკატერინე ასევე, კასპელს ახალგაზრდებს ასწავლის გალობას.

     მგალობელთა გუნდი კანონიკურ საგალობებს ასრულებს, ძირითადად კარბეელაანთ კილოს და გელათის სკოლის ჩანაწერებიდან.

     გუნდის ხელმძღვანელი, რეგენტი ეკატერინე ყაზარაშვილი

გუნდის წევრები:

• პირველი ხმა - მაკა რუსიშვილი
• მეორე ხმა - მაკა თათრიშვილი
• მესამე ხმა - თეა პაიჭაშვილი