18 იანვარს (ძვ. სტ. 5 იანვარი) ქრისტეს ეკლესია იხსენიებს წმინდა თეოპემპტის და თეონას

       303 წელს დიოკლეტიანეს მეფობის დროს სასტიკად აწამეს თეოპემპტი და თეონა ნიკომიდიაში. წმიდა თეოპემპტი ნიკომიდიელი ეპისკოპოსი იყო რომელიც ამხელდა კერპთაყვანისმცემლობას.  იმპერატორმა მოსთხოვა უარეყო ქრისტე და აპოლონის კერპისათვის ეცა თაყვანი. პასუხად მტკიცე უარი მიიღო. მაშინ თეოპემპტი გახურებულ ქურაში ჩააგდეს, მაგრამ ღმერთმა დაიცვა თავისი მსასოებელი. დიოკლეტიანემ მომხდარი სასწაული წმიდანის ჯადოქრობას მიაწერა და ბრძანა, 22 დღე შიმშილითა და წყურვილით ეტანჯათ იგი. ამგვარმა სისასტიკემაც ვერაფერი დააკლო უფლის რჩეულს. მაშინ მეფემ ცნობილ ჯადოქარ თეონას სთხოვა შემწეობა. მოგვმა შხამიანი კვერი აჭამა პყრობილს, მაგრამ საწამლავმა არ იმოქმედა. თეონას შემზადებული უფრო ძლიერი შხამიც უძლური აღმოჩნდა მღვდელმთავრის სიწმიდის წინაშე. მაშინ ჯადოქარმა სცნო თავისი ბილწი მფარველის უძლურება და აღიარა ჭეშმარიტი ღმერთი. მოგვყოფილი წმიდა ეპისკოპოსთან ერთად გამოამწყვდიეს. მან მონათლა თეონა და სინესიუსი უწოდა, რაც „გაბრძნობილს” ნიშნავს.

       დიოკლეტიანემ კიდევ ერთხელ მოითხოვა ქრისტეს უარყოფამაგრამ კვლავ უარი მიიღო მაშინ ენითაუწერელი სატანჯველით აწამეს და თავი მოჰკვეთეს. წმიდა თეონამაც უარი განაცხადა კერპებისათვის მსხვერპლის შეწირვაზე, რისთვისაც ცოცხლად დამარხეს. 

◄ გუშინ | დღეს | ხვალ ►