მეოთხე საუკუნეში,როდესაც რომის იმპერატორი გახლდათ იულიანე განდგომილი, ქალაქ პრუსში (ბითვინია) მოღვაწეობდა მღვდელმოწამე ტიმოთე. ეს ის პერიოდია,როდესაც რომაული ტრადიციული რელიგიის აღორძინებას ცდილობდნენ. ამ ძნელბედობის ჟამს უფლისგან სასწაულთქმედებით მადლმოსილმა მღვდელმოწამემ მოახდინა უამრავი წარმართის ქრისტეს სჯულზე მოქცევა. როცა იულიანე განდგომილმა ტიმოთეს წმიდა ცხოვრების შესახებ შეიტყო, საპყრობილეში ჩააგდო იგი, მაგრამ წმიდანმა იქაც განაგრძო მაცხოვნებელი მოძღვრების გავრცელება. იმპერატორმა პყრობილს თავისი მოთხოვნა შეახსენა - შეეწყვიტა ქადაგება, მაგრამ ტიმოთე ვერ შეაშინა მუქარამ, რის გამოც წმიდა კეთილმსახურ მღვდელმთავარს თავი მოჰკვეთეს. მოგვიანებით მისი წმიდა ნაწილები კონსტანტინეპოლში გადაასვენეს.

◄ გუშინ | დღეს | ხვალ ►