მეტეხი - სოფელი კასპის მუნიციპალიტეტში. მდებარეობს მტკვრის მარჯვენა ნაპირზე. საკრებულოს ცენტრი (სოფელი: ბარნაბიანთკარი). ზღვის დონიდან 560 მეტრი, კასპიდან 10 კილომეტრი.

      მეტეხის ტერიტორიაზე (სოფლის მიდამოებში) ადამიანს ჯერ კიდევ ადრინდელ ბრინჯაოს ხანაში უცხოვრია. აქ აღმოჩენილია სამაროვნები, ყორღანები და ნამოსახლარები, ადრეული ბრინჯაოს ხანიდან მოყოლებული ძვ. წ. აღ._ის X საუკუნით დამთავრებული.

სოფელში რამდენიმე ეკლესიაა:

• მეტეხის ღვთისმშობლის ტაძრის კომპლექსი;
• ამაღლების ეკლესია;
• წმინდა თევდორეს ეკლესია;
• კვირაცხოვლის ეკლესია.

      მეტეხის შუაშუაგულშ, გაშლილ ტაფობზე, დგას ხუროთმოძღვრული კომპლექსი, რომელშიც შედის XIII საუკუნის ღმრთისმშობლის სახელობის გუმბათოვანი ტაძარი, გვიანდელ შუა საუკუნოვანი სამრეკლო და კოშკებჩამონგრეული გალავანი.

ივანე გოლიაძის ფოტო

      გუგულაანთ უბანში, სოფლის აღმოსავლეთით სასაფლაოზე მდებარეობს გვიანდელი ფეოდალური ხანის მცირე ზომის ეკლესია - ამაღლების ეკლესია.

      სოფლის დასავლეთით, მაღალ გორაკზე (ოდოშაანთ უბანის გავლით) მდებარეობს გვიანდელი ფეოდალური ხანის წმინდა თევდორეს ეკლესია.

      სოფლის დასავლეთით სასაფლაოზე მდებარეობს კვირაცხოვლის მცირე ზომის ეკლესია.