ლეგენდის მიხედვით, ხარაგაულის ერთ პატარა, იმერულ მხარეში ოთხი ძმა დასახლებულა - ოთანა, ბაჩიკა, თევდორა და მახარიკა. ძმები ისე გამრავლებულან, რომ სოფელი გაშებულა და ახლა იმ სოფელს დღეს საქასრია ჰქვია. თავად ოთხი ძმის შთამომავლებს წარმოადგენენ ოთანას-შვილები, ბაჭიკის-შვილები, თევდორას-შვილები და მახარიკას-შვილები. გვარებივით კი გამოითქმის, მაგრამ ყველა მათგანი წიქარიშვილია. ძმები წიქარიშვილები გახლდნენ და სოფელიც წიქარიშვილების საგვარეულო სოფლად მოიხსენიება ხოლმე ხანდახან. გასაკვირი არ იქნება, თუ ვიტყვით, რომ სოფლის მოსახლეობის დიდ უმრავლესობას წიქარიშვილები წარმოადგენენ. თავად სახელწოდება საქასრია ქასრი ქვებისგან მომდინარეობს, რომელიც სოფელში ხშირად შეგხვდებათ. თუ არ იცით, აქვე გეტყვით რომ ქასრი, ესაა დანის სალესი ქვა.

დატოვეთ კომენტარი ფოტოზე

      საქასრია ორ ნაწილად იყოფა ზემო და ქვემო საქასრიად.

      რაც შეეხება სოფლის ენციკლოპედიურ მონაცემებს, საქასრია - სოფელი იმერეთის რეგიონში, ხარაგაულის მუნიციპალიტეტში, უფრო კონკრეტულად თუ გაინტერესებთ ბორითის თემის სოფელია. როგორც წყალუხვ ქვეყნებს სჩვევიათ, ქართული სოფელ-ქალაქებიც მდინარეების გარშემო არიან შეკოწიწებულნი, ამ მხრივ არც საქასრიაა გამონაკლისი. იგი გაშენებულია მდინარე ძირულას ნაპირებზე, მთების ფერდობებზე, ზღვის დონიდან არც ისე მაღლა - 420 მეტრზე. მოსახლეობას, 2002 წლის აღწერით, სოფელში 550-მდე ადამიანი წარმოადგენს.

მდინარე ძირულა

დატოვეთ კომენტარი ფოტოზე

ნაპირების დამაკავშირებელი იმერული, კონწიალა ხიდი

საქასრიელების საზაფხული გამაგრილებელი სანაპირო

      სოფელში რამდენიმე სალოცავი მდებარეობს, მათ შორისაა წმინდა ბარბარესა და ღმრთისმშობლის ეკლესიები, რომელთა ისტორიაც არც თუ ისე ძველია. წმინდა ბარბარეს პატარა ეკლესია აშენდა მთაზე, ერთი ძველისძველი მუხის გვერდით. ლეგენდის მიხედვით, ადრე ადრე ამ ადგილას ტაძარი უნდა ყოფილიყო. ჟამთასვლამ ეკლესიის ნაშთები გააქრო, მაგრამ სოფლის მოსახლეობის მეხსიერებაში ეკლესია არ გამქრალა და ერთ საინტერესო ტრადიციაში გადაიცვალა. ვინაიდან ტაძარი არსად იდგა, სოფლის მოსახლეობა სწორედ იმ ხესთან ადიოდა და მის ფესვებთან ძირას ანთებდა სანთელს. წმინდა ბარბარეს სახელობის ტაძარი მაინც აშენდა და 2010 წელს დასრულდა კიდეც, ახლა იქ საღმრთო მსახურება ღევლინება.

წმინდა მოწამე ბარბარეს სახელობის ტაძარი (ბაზილიკა)

წმინდა ბარბარეს ტაძრის ინტერიერი

      2012 წელს სოფელში კიდევ ერთი ტაძარი გაიხსნა - ღმრთისმშობლის მიძინების სახელობის ტაძარი. ახლა იქ დედათა მონასტერი.

ღმრთისმშობლის მიძინების სახელობის დედათა მონასტერი

დატოვეთ კომენტარი ფოტოზე

      სოფლის უძველესი სალოცავია კოზმანი, რომელიც საქასრიის ყველაზე მაღალი მთის კიდეზე მდებარეობს. ლეგენდების ქვეყანაში, სოფლის ამ პატარა ტაძარსაც თავისი ისტორია მოეძებნება ოქროს ხანიდან. ტაძართან მისასვლელად საცალფეხო ბილიკი უნდა გაიაროთ, რომელიც მთლიანად სალი კლდეების თავზე მიდის, ვერარა ხორციელი შიშის გარეშე ვერ შემოუვლის ტაძარს გარშმო და ამ დროს, უცბად, თქვენ დაინახავთ კლდეში შერჩენილ ცხენის ფლოქვების ნაკვალევებს. ლეგენდის თანახმად, ეს თამარ მეფის ცხენის ნატერფალებია. იქ სადაც ადამიანები ძლივს დადიოდნენ, თამარ მეფეს ცხენითაც შეეძლო ამოსულიყო.

მაღალი მთის წვერზე მდებარეობს ტაძარი "კოზმანი"

      ესეც საქასრიელების ხელნაკეთი მამა-პაპური საყოფაცხოვრებო ნივთები, რომელიც საქართველოს მთავარი გზაზე, სოფლის გადასახვევთან იყიდება.

ეწვიეთ საქასრიას, აქაურებმა გულითადი მასპინძლობა იციან!

აქვე იხილეთ:

  •   ხარაგაულის მოკლე მიმოხილვა (ფოტოკოლაჟი)