"სანამ ჩემი ნებით და ნათელი გონებით სიცოცხლეს გამოვემშვიდობები, მსურს უკანასკნელი ვალი მოვიხადო: გულითადი მადლობა ბრაზილიას - ამ შესანიშნავ ქვეყანას, რომელმაც ასე თბილად და მეგობრულად მიმიღო მე და ჩემი შემოქმედება. ეს ქვეყანა დღითი-დღე უფრო და უფრო მიყვარდებოდა, მაგრამ ვერსად დავიწყებდი ჩემი ცხოვრების ახლიდან შენებას, მას შემდეგ რაც ჩემი მშობლიური ენის სამყარო დაინგრა, ხოლო ჩემი სულიერი სამშობლო ევროპა თავის თავს ინადგურებს. 60წლის ასაკში განსაკუთრებული ძალებია საჭირო, რომ სრულიად ახალი ცხოვრება დაიწყო. ჩემი ძალები კი წლების მანძილზე უსამშობლო ხეტიალის დროს ამოიწურა. ამიტომ უკეთესია, იმ სიცოცხლის დროულად დასრულება, რომლისთვისაც სულიერი მუშაობა სიხარულის მომნიჭებელი, ხოლო პირადი თავისუფლება ამ სამყაროს ყველაზე დიდი საგანძური იყო. მივესალმები ყველა ჩემს მეგობარს! მსურს, რომ ისინი მაინც შეხვდნენ განთიადს გრძელი ღამის შემდეგ! მე მეტის მოთმენა არ შემიძლია, ამიტომ მივდივარ პირველი."