ჰეე, როგორი რთულია. ხანდახან იმის დადგენაც კი ჭირს, ვინ ცუდია და ვინ კარგი. რამდენჯერ მოგვსვლია: შეხედავ კაცს, - მოგეწონება; გაიცნობ - მოგეწონება; დაგელაპარაკება - მოგეწონება; დაგელაპარაკება ისევ - უიმე, მტრისას... შემოიკრავ თავში ხელს როგორ შევცდი, ვინ მეგონა და...

პირიქითაცაა - შეხედავ, აგბურძგლაავს, გაიცნობ- დაგბურძგლავს, დაილაპარაკებს - დაგთუთქავს, მერე კიდევ მოუსმენ, შეხედავ, ახედავ, დახედავ და... არც ისე ცუდი კაცია. და მერე სულ ერთია - არაა ცუდი.

მაგრამ მესამენიც არიან, სერგო ჩემო, ყველაზე ძნელი ხალხი: შეხედავ - კარგია, გაიხედავ - ცუდი, გაივლი, გამოივლი, შეხედავ - ისევ კარგია, წახვალ, წამოხვალ - მაინც ცუდი... წარმოგიდგენია? - ხან კარგი, ხან ცუდი, ხან კარგი, ხანაც... და სულ ასე. საერთოდ კი, რომ აღინიშნოს ამ მესამე კატეგორიაში რაოდენობრივად ყველაზე მეტი შედის, ასეთებისთვისაა, რაღაცას რომ ვცდილობ...

ისე ცხოვრებაში ძალიან ძნელია, კაცი რომ ამოიცნო, ლიტერატურაში კი იცოცხლე, გაგიხარია - გმირი ან ცუდია ან კარგი, მაგრამ მე მაინც მგონია, რომ უმცირესობაა მხოლოდ კარგი ან მხოლოდ ცუდი, უმრავლესობა კი ცუდ-კარგია... ასეთია შინაარსობრივად ჩემი აზრი. ამ ცუდ-კარგებს კი, სერგო ჩემო, მოფერება უნდა, გაგება უნდა, დაყვავება, გაწყრომაც კი უნდა ხანდახან, დარიგებაც - მთავარია, უშუალო იყო. გაპრანჭულ ხალხს ვერ ვიტან, ის რა კაცია, სანამ პასუხს გაგცემს, ჯერ გუნებაში რომ აწონ-მიწონ-მოწონის და მერე ვერცხლის ლანგრით ჭკვიანურ პასუხს მოგართმევს - იმისი სიტყვა სხვაა, ის არაა ნამდვილი სიტყვა.

ვრცლად: იგი სიყვარულისთვის იყო გაჩენილი

ტეგები: Qwelly, ადამიანები, ამონარიდები, დოჩანაშვილი, ლიტერატურა, ნოველა

ნახვა: 2486

გამოხმაურებები!

ეჰ... მართლაც რა რთულია(((

რა კარგი სიტყვებიაა!! ♥ მადლობა 

მადლობა გურამს! :*

Tamila Moshiashvili_მ თქვა:

რა კარგი სიტყვებიაა!! ♥ მადლობა 

დოჩანაშვილი ძალიან მიყვარს...მაგრამ აქ თითქოს საკუთარი აზრი მაქვს  ჩემი დაკვირვებით... თუ პირველი შეხედვისას ადამიანი არ მომივიდა თვალში  რაც არ უნდა კარგი თვისებები გამოაჩინოს  ბოლოს მაინც  ის პირველი აზრი იმარჯვებს..... და მოწონილი სიტყვა არ მიყვარსო   უცებ დაუფიქრებლად ნათქვამმა ბევრჯერ მატკინა გული  მიფიქრიაა ნეტა დავფიქრებულიყავი და მერე მეთქვა ასე უცებ არ წამომესროლა ჩემი აზრი მეთქი..... ასე რომ  ყველას თავისი  გამოცდილება და აზრი აქვს.....

მისასალმებელი და პატივსაცემია თქვენი აზრი ქალბატონო ანა. მაგრამ ადამიანები, ხშირად დაუფიქრებლად, გაუაზრებლად ჩადიან ხოლმე რაიმე ქცევას.. ხომ შეიძლება, როცა დაფიქრება იგი, მიხვდეს თავის არასწორ საქციელს და შემდეგ გამოასწოროს? არც მაშინ შეიცვლით ხოლმე აზრს?
anna_მ თქვა:

დოჩანაშვილი ძალიან მიყვარს...მაგრამ აქ თითქოს საკუთარი აზრი მაქვს  ჩემი დაკვირვებით... თუ პირველი შეხედვისას ადამიანი არ მომივიდა თვალში  რაც არ უნდა კარგი თვისებები გამოაჩინოს  ბოლოს მაინც  ის პირველი აზრი იმარჯვებს..... და მოწონილი სიტყვა არ მიყვარსო   უცებ დაუფიქრებლად ნათქვამმა ბევრჯერ მატკინა გული  მიფიქრიაა ნეტა დავფიქრებულიყავი და მერე მეთქვა ასე უცებ არ წამომესროლა ჩემი აზრი მეთქი..... ასე რომ  ყველას თავისი  გამოცდილება და აზრი აქვს.....

Kakha ახლა მივწერე შენი კომენტარი და ისეთი გახარებულია, იიიისეთი გახარებულია - ერთი ორი ასეთი მოთხრობა კიდევ უნდა დავწეროო :D 

Kakha_მ თქვა:

ვუწონებ გურამს ამ მოსაზრებას! :)

გურამის გულიო კახა  :D

Kakha_მ თქვა:

ვინაა გახარებული? :D 

კიბატონო!

მამუკა_მ თქვა:

ეს ნაწარმოები მიყვარს.

RSS

ღონისძიებები

ბლოგ პოსტები

ქალთა უფლებები, პრეზენტაცია

გამოაქვეყნა Ketevan_მ.
თარიღი: ივლისი 18, 2025.
საათი: 8:13pm 0 კომენტარი

ფიროსმანი, კრწანისი

გამოაქვეყნა Ketevan_მ.
თარიღი: ივლისი 18, 2025.
საათი: 7:00pm 0 კომენტარი

კოლოქვიუმი

ნიკოლოზ (ნიკო) ფიროსმანაშვილი

ქეთევან პოპიაშვილი

ჯგუფი 1

 ნიკო ფიროსმანაშვილის მხატვრული მეთოდი

კურსის ხელმძღვანელი: გიორგი ხოშტარია

ილიას სახელმწიფო უნივერსიტეტი…

გაგრძელება

პიკასო, გერნიკა

გამოაქვეყნა Ketevan_მ.
თარიღი: ივლისი 18, 2025.
საათი: 7:00pm 0 კომენტარი

კოლოქვიუმი

პიკასო

ქეთევან პოპიაშვილი

ჯგუფი 1

პიკასო

კურსის ხელმძღვანელი: გიორგი ხოშტარია

ილიას სახელმწიფო უნივერსიტეტი

თბილისი 2023…

გაგრძელება

მაიკლ მურის ფარენჰეიტი 9/11

გამოაქვეყნა Ketevan_მ.
თარიღი: ივლისი 18, 2025.
საათი: 7:00pm 0 კომენტარი

შუალედური წერა

მაიკლ მურის ფარენჰეიტი 9/11

ომი და თანამედროვე საზოგადოება

ქეთევან პოპიაშვილი…

გაგრძელება

Qwelly World

free counters