დღეს, 22 აპრილს, გამომცემლობა "ლოგოს პრესმა" სამხატვრო აკადემიის სააქტო დარბაზში მორიგი წიგნის პრეზენტაცია გამართა. ამჯერად მან საზოგადოებას სერ ერნესტ გომბრიხის წიგნის "ხელოვნების ამბავი" მეთექვსმეტე გადამუშავებული ვერსია წარუდგინა. გამოცემას, რომელიც უძველესი მღვიმის ფერწერიდან უახლეს ექსპერიმენტალურ ხელოვნებამდე გვაწვდის ინფორმაციას, თამამად შეიძლება ეწოდოს ხელოვნების მატიანე.

      ნიუ ორკის უნივერსიტეტის პროფესორმა ჰ.კ. ჯენსონმა ამ წიგნს "წმინდა სიამოვნება - სულისა და ხორცისათვის" უწოდა. "ეს არის წიგნი, რომელსაც შეუძლია-მთელი თაობის აზროვნების შეცვლა. გომბრიხის სტილი სასაუბრო და ინტიმურია, ის რამდენიმე სიტყვით მთელი პერიოდის ატმოსფეროს გადმოგვცემს" - ვკითხულობთ "თაიმზის" ლიტერატურული დამატების 1-ლი გამოცემის რეცენზიაში (1950წ. 27 იანვარი).

      - "ბედნიერებაა, გვქონდეს ეს გამოცემა ქართულ ენაზე. ის რთული ხელოვნების ნიუანსებს მარტივად აღსაქმელი ენით გვიყვება. გომბრიხი არის კლასიკა!" განაცხადა ხელოვნებათმცოდნე ანი კლდიაშვილმა.

      - "წიგნი განსაკუთრებულია იმით, რომ დაწერილია პოპულარული მკითხველებისთვის. გომბრიხი - ეს არის ადამიანი, რომელსაც შეუძლია მოგიყვეთ ხელოვნების შესახებ ისე, რომ თქვენ ვერ იგრძნოთ, რომ არ ხართ პროფესიონალი ამ დარგში და არ გყოფნით ცოდნა. გომბრიხი ახერხებს, გვიჩვენოს ხელოვანები, მათი ნამუშევრები და შემდეგ უკვე ამ ნამუშევრების ისტორიული და კულტურული კონტექსი გაგვაცნოს. ამ წიგნიდან გაიგებთ, რისთვის ხატავდნენ და რისი თქმა სურდათ მხატვრებს უძველესი მღვიმის ფერწერიდან მოყოლებული. სწორედ ეს არის ამ წიგნის გასაკუთრებული თავისებურება.

      როდესაც ფოტოგრაფ ანრი-კარტიე ბრესონს გომბრიხის დახასიათება სთხოვეს, მან "ამოუხსნა" განტოლება: "ცოდნა+თვალი=გომბრიხს"