დაახლოებით 297 წელს დაიბადა წმიდა ათანასე დიდი, მოგვიანებით ალექსანდრიის მთავარეპისკოპოსი. ცნობილია, რომ ნიკეის პირველ საეკესიო კრებაზე, რომელიც ჩატარდა 325 წელს, წმინდა ათანასემ მონაწილეობა მიიღო დიაკვნის ხარისხით. სწორედ მან წამოაყენა წინადადება, ევსების მიერ შემოთავაზებული ფორმულისათვის დაემატებინათ ერთადერთი, უმოკლესი განსაზღვრება - "ერთარსი მამისა". იგი 325-373 წლებში განაგებდა ალექსანდრიის ეკლესიას. წმინდა ათანასეს ამ ხნის განმავლობაში მრავალი ჭირისა და განსაცდელის დათმენა მოუხდა, თუმცა უსაზვრო გულმოდგინებით მწყემსავდა თავის სამწყსოს. იყო დრო, როცა ნეტარი ერთადერთ მართლმადიდებელ ეპისკოპოსად რჩებოდა და უკაცრიელი თავშესაფრიდან ეპისტოლეებითა და ტრაქტატებით ამხელდა არიანელებს.

     373 წელს მოხუცმა მღვდელთმთავარმა მშვიდად მიაბარა სული უფალს. მისი ხსენება წელიწადში ორჯერ აღესრულება - 2 მაისს და 18 იანვარს.

◄ გუშინ | დღეს | ხვალ ►