კარავი მნიშვნელოვანი ატრიბუტია, მით უმეტეს, თუ გიწევთ რამდენიმედღიანი გასვლები ბუნებაში.

      დღეს ბაზარზე უამრავი კომპანიის უამრავი პროდუქტია წარმოდგენილი და მათში გარკვევა ადვილი საქმე არაა, მით უმტეს, გამოუცდელისათვის. თანაც, ერთი შეხედვით ერთნაირ საქონელზე ფასები იმდენად განსხვავებულია, რომ კაცი ადვილად შეიძლება დაიბნეს.

      რა იქნება ოპტიმალური არჩევნი?

      კარავი მარტივი ნაგებობაა, რომელიც რამდენიმე პარამეტრით ხასიათდება და ყველა ამ პარამეტრის მიხედვით უნდა იყოს წაყენებული გარკვეული მოთხოვნა.

კარვის სახეები

      კარვები, რომლებიც მასიური მოხმარებისათვის იწარმოება, შეიძლება დაიყოს 4 მსხვილ, პირობით კატეგორიად:

• ტურისტული კარვები, რომლებიც გამოიყენება რეკრეაციისათვის (პიკნიკი, მსუბუქი ტრეკინგი, თევზაობა, დაბლობში ნადირობა და სხვა) გაზაფხულიდან ზამთრამდე;
• კემპინგის კარვები;
• სამთო ტურიზმის კარვები;
• კარვები, რომლებიც გათვლილია ექსტრემალური პირობებისათვის (ძირითადად ალპინისტური)

ძირითადი პარამეტრები

      პირველ რიგში, ეს არის დაცვა წყლისგან, ქარისაგან, სიცივისა და მწერებისაგან. ასევე, კარვის წონა, კომფორტის დონე, გაშლისა და დაკეცვის სიმარტივე, გამძლეობა და, რა თქმა უნდა, ფასი.

      უნდა განისაზღვროს პრიორიტეტები. მაგალითად, თუ თქვენ ფეხით უნდა იაროთ, მაშინ პირველ პლანზე გამოდის წონა, ხოლო თუ მანქანით მგზავრობთ, მაშინ კარვის კომფრტის დონე უფრო მნიშვნელოვანია.

კონსტრუქცია

      კონსტრუქციული თავისებურებებიდან გამომდინარე, რამდენიმე სახე შეიძლება გამოვყოთ, მაგრამ პრაქტიკულობის თვალსაზრისით ყველაზე საინტერესოა ტენტების მიხედვით – ერთტენტიანი და ორტენტიანი, ან სხვანაირად ერთ– ან ორშრიანსაც უწოდებენ.

      ერთტენტიანი არის წყალგაუმტარი მასალისაგან დამზადებული კარავი, რომელსაც ზემოდან სხვა ტენტი გადაფარებული არ აქვს. ასეთი ტენტები, როგორც წესი, მსუბუქია, ადვილია მათი გაშლა და შედარებით იაფი ღირს. ნაკლოვანებებიდან უნდა აღინიშნოს სუსტი ვენტილაცია და აქედან გამომდიანრე, კარვის შიდა ზედაპირზე კონდენსატის წარმოქმნა.

      მსუბუქია მაგრამ ღამის გასათევად არ გამოდგება..

      მეორე ტიპია ორტენტიანი კარვები. ეს არის ჩვეულებრივი კარავი, რომლებასც ზემოდან კიდევ ეფარება მეორე ტენტი (კონსტრუქციული გადაწყვეტა სხვადასხვანაირი შიძლება არსებობდეს), რომელიც იმეორებს ქვედას ფორმას და ამ ორ ტენტს შორის იქმნება ჰაერის საიზოლაციო შრე.

      ამ კონსტრუქციაში, თითქოს, ერთი კარავი დგას მეორეს შიგნით. შიდა სათავსოს აქვს ძირი და კარგი ვენტილაცია, ხოლო გარეთა ტენტი წარმოადგენს „ფუტლიარს“, რომელიც შიდა კარავს იცავს წვიმისა და ქარისაგან.

ფორმა

არჩევენ სამ ტიპს:

ნახევრადსფეროს („გუმბათი“),

ნახევრადკასრს („ცილინდრი“, „ანგარი“) და

ორმხრივად დახრილ ფორმას(ჩვენთან საკმაოდ იშვიათია)

ამათშორის ყველაზე მოსახერხებელია ნახევრადსფერული, მრგვალი ფორმა.

ისინი მსუბუქია, კომპაქტური და ადვილად გასაშლელი.გასაშლელი ფართი მას ნაკლები სჭირდება.მათი ხმარება ადვილი და მოსახერხებელია. ასეთი კონსტრუქციის გამო მათი დადგმა შესაძლებელია ნებისმიერი სიმყარის გრუნტზე და ამასთან, შესაძლებელია ერთი ადგილიდან მეორეზე გადატანა ისე, რომ არ დაშალოს.

მასალა

      თანამედროვე კარვების წარმოებაში ყველაზე ხშირად გამოიყენება ქსოვილები, რომლებიც დამზადებულია პოლიამიდისა და პოლიეთერის ბოჭკოებისაგან.

      პირველს განეკუთვნება კაპრონი, ნეილონი (nylon), ხოლო მეორეს – ლავსანი, პოლიესტერი (polyester). ორივეს დადებით მხარედ მიიჩნევა დაბალი წონა, მაღალი სიმტკიცე და დაბალი ჰიგროსკოპიულობა (წყლით გაჟღენთვა). მაგრამ პოლიამიდური ქსოვილები დასველებისას იწელება, რაც, მაგალითად, წვიმის დროს იწვევს ტენტის ჩაზნექვას.

გარე ტენტი

      კარვის ეს ნაწილი იღებს თავის თავზე მთელ დატვირთვას: წვიმას, სეტყვას, ქარს, ტემპარატურის ცვალებადობას, ულტრაიისფერ და ინფრაწითელ გამოსხივებას. შესაბამისად ტენტი აუცილებლად უნდა იყოს მაქსიმალურად მტკიცე, გამძლე და არ უნდა სველდებოდეს. მაგრამ ამ თვისებების გაზრდა იწვევევს წონის მატებას, დაკეცვისა და გაშლის გაძნელებას, ან ფასის კატასტროფულ ზრდას და ა. შ. ამიტომ ყველა ეს მონაცემი უნდა შეირჩეს გონივრული საკმარისობის პრინციპით.

შიდა კარავი (შიდა ტენტი)

      მისი ძირითადი დანიშნულებაა იყოს კომფორტული და მშრალი საცხოვრებელი. ამისათვის იგი უნდა „სუნთქავდეს“, ჰქონდეს კარგი ვენტილაცია, დაცული იყოს კონდენსატის გაჩენისაგან და ამასთან იყოს მტკიცე და მსუბუქი.

      როგორც წესი, შიდა ტენტის წყალგაუმტარობა უფრო დაბალია, ვიდრე გარე ტენტის. მისთვის უფრო ხშირად ხმარობენ ნეილონის ქსოვლს, რომლების კარგად იცავენ შიდა სივრცეს ქარისგან და გარეთ ადვილად გამოაქვთ ჰაერი და ორთქლი.

ძირი

      წყალგაუმტარობის და სიმტკიცის მხრივ, კარვის ძირს ყველზე მეტი მოთხოვნა წაეყენება. ის შიგნიდან უნდა უძლებდეს ადამიანის მუხლებისა და იდაყვების ზეწოლას, ხოლო გარედან იცავდეს წყლის ნაკადისაგან, რომლის გზაზეც შეიძლება კარავი აღმოჩნდეს უამინდობის დროს. თუმცა, მეორეს მხრივ, ამის გამო არ შეიძლება უსაშველოდ გაიზარდოს კარვის წონა და მოცულობა.

      სასურველია, რომ ძირის წყალგაუმტარობა იყოს მინიმუმ 3000 – 50000 მმ, რადგან ძლიერი ზეწოლისას მან წყალი არ გააპაროს.

მნიშვნელოვანი წვრილმანები

      შესასვლელები მჭიდროდ უნდა იკეტებოდეს ელვაშესაკრავით. თან „კარი“ უნდა იხსნებოდეს ისე, რომ მისი ახვევა მოხდეს ზემოთ ან გვერდზე. თუ „კარი“ იხსნება ზემოდან – არ ვარგა, რადგან ამ დროს ადამიანის კარავში შესვლა გაძნელებულია, ხოლო კოღოების გაიოლებული))))

      კარვების დამატებით დეტალები:

• ორმაგი კარი, წინა ტამბურით
• კარგად გაჭიმული ნეილონის ძირი
• არაწელვადი, კევლარის (Kevlar) თოკები (კევლარი მასალაა, რომელიც საოცრად მედეგია ცვეთისა და გახევისადმი)
• გვერდითი ფანჯარა, ყინვაგამძლე ელვის შესაკრავით, რომელიც ტესტირებულია – 60°ფარენგეიტის შკალით.
• მაღალი და დაბალი ვენტილაცია
• ფლუოროსცენციული (სიბნელეში მანათობელი) ელვა შესაკრავები.

ზომები

      ნორმალური მწარმოებლის ნაკეთობებზე მითითებულია როგორც ზომები, ასევე საწოლი ადგილების რაოდენობა. მაგ. ორადგილიანი ან სამადგილიანი.

      ზოგადი წარმოდგენისთვის ადგილებს მნიშვნელობა აქვს, მაგრამ მთავარი მაინც აბსოლუტური ზომებია, რადგან სხვადასხვა მწარმოებელი სხვადასხვა სტანდარტს იყენებს.

      ითვლება, რომ საშუალოდ ერთი ადამიანისათვის საჭიროა 50 სმ, ხოლო კომფორტული ძილისათვის სჯობს 60 სმ.

ფასი

      ევროპელი მწარმოებლის, 1500 მმ–იანი წყალმედეგობის გარე ტენტის, 3000 მმ–იანი ძირისა და მინაქსოვილის კარკასიანი კარვის სავარაუდო ფასი 180-220 ლარია)))))