ქალაქ მაგნეზიაში, აზიაში დაიბადა ღირსი ლაზარე გალისიელი. სიყრმიდანვე სიყვარულით გამოირჩეოდა გლახაკთა მიმართ. წმინდანმა სრულყოფილი განათლება მიიღო და მოსალოცათ გაემგზავრა პალესტინაში სადაც საბა განმწმენდელის ლავრაში დამკვიდრდა. აქ ნეტარმა ათი წელი დაჰყო და საძმოს გულწრფელი სიყვარული დაიმსახურა.

      ის იერუსალიმის პარტიარქმა მღვდლად აკურთხა, რის შემდეგაც სამშობლოში დაბრუნდა და გალიის მთაზე დამკვიდრდა. აქ წმიდანი საკვირველი ხილვის ღირსი შეიქნა: ცად აწვდილ ცეცხლოვან სვეტს შემოხვეული ანგელოზები გალობდნენ: "აღდეგინ ღმერთი და განიბნინედ ყოველნი მტერნი მისნი". ამ გამოცხადების ადგილას უფლის რჩეულმა ქრისტეს აღდგომის სახელობის ტაძარი ააგო და მესვეტეობის ღვაწლი იტვირთა. მალე დიდი მოსაგრის ირგვლივ მოწაფეები შემოიკრიბნენ და დაფუძნდა მონასტერი.

      წმიდა ლაზარეს წინასწარ ეუწყა აღსასრულის მოახლოება და განემზადა კიდეც, მაგრამ საძმოს მხურვალე ვედრებით უფალმა მას კიდევ თხუთმეტი წლით გაუხანგრძლივა სიცოცხლე.

      ღირსი ლაზარე 1053 წელს გარდაიცვალა, სამოცდათორმეტი წლის ასაკში. წმიდა მამის ნაწილთა აღმოყვანებას ეკლესია 17 ივლისს იხსენიებს.

◄ გუშინ | დღეს | ხვალ ►