წმიდა მოწამე აკეფსიმე ეპისკოპოსი განაგებდა სპარსეთის ქალაქ ლაესონის ეკლესიას რის გამოც მეფე საპორმა ქრისტიანების მოძებნა და სიკვდილით დასჯა ბრძანა. შეიპყრეს აკექსიც რომელიც იმ დროს 80 წლის მოხუცი იყო. გადმოგვცემენ, რომ, როცა ნეტარი დააკავეს, ერთმა ნაცნობმა მოახერხა, მას მიახლოებოდა და წასჩურჩულა, დაებარებინა, თუ ვის უტოვებდა სახლს. წმიდანმა უპასუხა: "ჩემო მეგობარო, უცნაური და უგნური საქმეა ამ მწირ ნაგებობაზე ზრუნვა მაშინ, როცა ზეცათა მეუფე მიბრძანებს გადასახლებას სახლში დიდებისა, რომელ არს ცათა შინა". უფლის რჩეული ქალაქ არბელაში მზის კერპის ქურუმის სამსჯავროზე წარადგინეს. ნეტარმა უარი განაცხადა სპარსთა ღვთაებებისთვის მსხვერპლის შეწირვაზე, რისთვისაც სასტიკად სცემეს და საპყრობილეში ჩააგდეს. მეორე დღეს, სასტიკი წამების შემდეგ, მასთან გამოამწყვდიეს სამოცდაათი წლის ხუცესი იოსები და დიაკონი აითალეც. სამი წელი იტანჯებოდნენ წმიდანები ტყვეობაში.

      აბელაში ჩასილმა მეფემ სამ წლის მარტვილის ნახვა ისურვა. წმინდანები მეფის წინაშე წყლულებით სხეულ დამძიმებულები წარდგნენ,მაგრამ მაინც უარზე იყვნენ და არ უარყვეს ქრისტიანობა. მაშინ წმიდა ეპისკოპოსს თავი მოჰკვეთეს, მღვდელი და დიაკონი კი ქალაქში გაიყვანეს ქვებით ჩასაქოლად.

◄ გუშინ | დღეს | ხვალ ►