ეგეის ეპისკოპოსი ზინობი და ზონობია და-ძმანი იყვნენ. მართლმორწმუნე მშობლებმა ისინი ღმრთის მოშიშები აღიზარდეს და თავიანთი წილი ქონება გლახაკებ დაურიგეს. მას შემდეგ რაც ზინობი მონასტერში ბერმონაზვნობა შეუდგა, წმიდა ცხოვრებისათვის რამდენიმე ხანში ეპისკოპოსად იქნა ხელდასხმული. ნეტარი მღვდელმთავარი დაუცხრომლად ქადაგებდა ქრისტიანულ სარწმუნოებას წარმართთა შორის და ღვთისგან ბოძებული ნიჭით უსასყიდლოდ კურნავდა სნეულებს. როცა იმპერატორმა დიოკლეტიანემ (284-305) მართლმორწმუნეთა დევნა დაიწყო, წმიდა ზინობი შეიპყრეს და მმართველ ლისიუსის სამსჯავროზე წარადგინეს. უსჯულო ხელისუფალმა მღვდელმთავარს მიმართა: "სიტყვას არ გავაგრძელებ - გთავაზობ: სიცოცხლეს - თუ ჩვენს ღმერთებს თაყვანს სცემ და სიკვდილს - თუ არ სცემ თაყვანს". ნეტარმა მიუგო: "ეს წარმავალი სიცოცხლე ქრისტეს გარეშე სიცოცხლე კი არა, სიკვდილია; მიჯობს, დროებითი სატანჯველები დავითმინო ჩემი შემოქმედისთვის და შემდგომ განუშორებლად მასთან ვგიებდე, ვიდრე უარვყო იგი წამიერი სიცოცხლის ფასად და ჯოჯოხეთის მარადიულ სატანჯველებს ვეზიარო".

მღვდელთმთავარი ლისიუსის ბრძანებით ძელზე გააკრეს. ზინობიამ,ეპისკოპოსის დამ აღიარა ქრისტე და დაგმო ჯალათების სისასტიკე.ამ საქციელის გამო ისიც აწამეს.მოწამეებს ბოლოს თავები მოჰკვეთეს. ხუცესმა ერმოგენმა უფლის რჩეულთა წმიდა ცხედრები მიწას მიაბარა. ეს მოხდა 285 წელს.

◄ გუშინ | დღეს | ხვალ ►