ქართლში წამებული კოზმანის შესახებ ბიოგრაფიული ცნობები არ შემონახულა. ამ დღის მოსახსენებელი მხოლოდ იმას ამბობს, რომ იგი ქართლში ეწამა ქრისტეს სარწმუნოებისათვის. საქართველოს გეოგრაფიული მდებარეობიდან გამომდინარე, უკიდურეს აღმოსავლეთში ეკლესიის, ზოგჯერთ, ერთადერთ წარმომადგენლად სახელდებულ საქართველოს, მუდმივად უხდებოდა უსჯულოთა აგრესიის ქვეშ ყოფნა და საქართველოს ეკლესია-მონასტრების დაცვა და მართლმადიდებლური სიწმინდის შენარჩუნება, ამ გზას ეწირებოდა უამრავი საერო და სასულიერო პირის სიცოცხლე. ეს იმდენად ხშირი და ჩვეულებრივი მოვლენა იყო, რომ საქართველოს ეკლესია მათგან მხოლოდ განსაკუთრებული ღვაწლითა და მნიშვნელობით გამორჩეულთათვის ადგენდა მოსახსენებელ დღეებს. სავარაუდოდ, წმინდა კოზმანიც ერთ-ერთი ასეთი წამებული გახლდათ. იმერეთში, ხარაგაულის სოფელ საქასრიაში დღემდე არსებობს სალოცავი ადგილი - კოზმანი.

◄ გუშინ | დღეს | ხვალ ►