საქართველოს საპატრიარქოს წმიდა კეთილმსახური მეფე თამარის სახელობის სკოლა-პანსიონში, სკოლა-პანსიონის დირექტორის, დეკანოზ მირიან სამხარაძის ლოცვა-კურთხევით და ბიოლოგიის პედაგოგიის, ბიოლოგიის მეცნიერებათა დოქტორის, ირაკლი გულედანის მიერ ხშირად ხორციელდება სხვადასხვა სახის პროექტები, რომლებიც ხელს უწყობენ სწავლების ხარისხის ამაღლებას და საგაკვეთილო პროცესში მიღებული ცოდნის განმტკიცებას.

      ერთ-ერთი ასეთი პროექტი გახლავთ „მინი-ინკუბატორი“. დაინტერესებულმა მოსწავლეებმა, პედაგოგის დახმარებით და ხელშეწყობით, სკოლაში შექმნეს მინი-ინკუბატორი (მოიძიეს ინკუბატორისათვის შესაბამისი ქათმის კვერცხები, შეარჩიეს საჭირო ტემპერატურა) და 21 დღის განმავლობაში აკვირდებოდნენ თუ როგორ მიმდინარეობდა საინკუბაციო პერიოდი. ამჟამად მზრუნველობას უწევენ ახლადგამოჩეკილ წიწილებს.

      მოსწავლეებს და პედაგოგს, მომავალში გადაწყვეტილი აქვთ ურთიერთობა დაამყარონ ქალაქ თბილისის ზოოლოგიური პარკის საგანმანათლებლო ცენტრთან და მათი დახმარებით მოახერხონ, სხვადასხვა ეგზოტიკური ფრინველების მომრავლება.

      ვფიქრობთ, ასეთი სახის პროექტები ხელს უდაოდ უწყობს მოსწავლეების უნარ-ჩვევების განვითარებას და სამეცნიერო კვლევებში პირველდაწყებითი ნაბიჯების გადადგმას.

      ვინ იცის, იქნებ ამ მოსწავლეთა შორის არის მომავალი მეცნიერ-მკვლევარი ან კიდევ უბრალოდ, კარგი ფერმერი და მეურნე ადამიანი.