2013 წლის 21 ივნისს, საქართველოს საპატრიარქოს წმიდა კეთილმსახური მეფე თამარის სახელობის სკოლა-პანსიონის სახელოვნებო მიმართულების ფერწერის წრის მოსწავლეები (პედაგოგი, გაიოზ ზანდარაშვილი), სკოლა-პანსიონის დირექტორის, დეკანოზ მირიან სამხარაძის ლოცვა-კურთხევით იმყოფებოდნენ ნარიყალაზე, სადაც ბუნებაში, ღია ცის ქვეშ შექმნეს ლამაზი ჩანახატები, ესკიზები.

      ლეონარდო და ვინჩიმ თქვა: „ნახატი პოეზიაა, რომელიც უფრო უკეთ ჩანს, ვიდრე იგრძნობა, ხოლო პოეზია ნახატია, რომელიც უფრო ჩანს, ვიდრე იგრძნობაო“.

      თავდაპირველად, მოსწავლეებმა დაათვალიერეს ძველი თბილისი, ნარიყალას მიდამოები, ბოტანიკური ბაღი, შეარჩიეს მათვისს საინტერესო ხედები. აღსანიშნავია, რომ ფერწერის წრე უკვე ერთი წელია, რაც გაიხსნა და უკვე ბევრი სასიამოვნო წარმატება მოუტანა სკოლა-პანსიონს. ფერწერის წრის მოსწავლეები აქტიურად ღებულობენ მონაწილეობას სხვადასხვა კონკურსებსა თუ გამოფენებში და ეზიარებიან ფერმწერის რთულ ხელოვნებას.

      ამ ბავშვებიდან შეიძლება ყველამ პროფესიად ხატვა არ აირჩიოს, მაგრამ ერთი რამ კი უდაოა, ისინი ხელოვნების დიდი ესთეტები იქნებიან და მათ სულში ყოველთვის სიწმინდე და სიყვარული იქნება დასადგურებული.