ფოტოების დათვალიერებამდე მოგიყვებით საინტერესო ამბავს ერთ ჩვეულებრივ ამერიკელ ქალბატონზე, რომელიც ძიძად მუშაობდა და იშვიათად ლაპარაკობდა თავის თავზე, ამის გამო მას უხასიათო ქალად თვლიდნენ, მაგრამ მისი გარდაცვალებიდან 2 წლის შემდეგ ვინმე ჯონ მალოფიმ შეიძინა ფირები ერთ-ერთ აუქციონზე, როგორც ისტორიული კოლექცია მას წარმოდგენა არ ქონდა თავად ფოტოგრაფის ვინაობაზე. ამ ფოტოების ავტორი კი ზემოთ ხსენებული უხასიათო ქალბატონი აღმოჩნდა მას ერქვა ვივიან მაიერი, რომელიც დღეს უკვე ერთ-ერთ ყველაზე საინტერესო ქუჩის ფოტოგრაფად ითვლება. მაიერის ფოტოების უმეტესი ნაწილი ნიუ-იორკსა და ჩიკაგოშია გადაღებული. ფოტოგრაფი განსაკუთრებული ინტერესით ბავშვებს იღებდა. მის ნამუშევრებში ასევე კარგად ჩანს ადამიანებს შორის დამოკიდებულებები. კადრები, რომლებიც ვივიანის ნამუშევრება შემოინახა, ძალიან განსხვავდება ამ ორი ქალაქის დღევანდელი რეალობისგან. ფოტოები იმდენად საინტერესო აღმოჩნდა, რომ არაერთი მკვლევარი დაინტერესდა იდუმალი ძიძის ვინაობით. გასულ წელს მის შესახებ ფილმიც გადაიღეს, რომელსაც ერთნაირი მოუთმენლობით ელოდა როგორც კინომოყვარული, ასევე ფოტოგრაფიით დაინტერესებული საზოგადოება. "Finding Vivian Maier" უკვე არაერთ საერთაშორისო კინოფესტივალზე იყო წარდგენილი. ვივიენმა გასული საუკუნის 50-60-იანი წლების ჩიკაგოსა და ნიო-იორკში ათასობით სახასიათო, ეპოქალური ფოტო გადაიღო. ფოტოებით მის სიცოცხლეში სათანადოდ არავინ დაინტერესებულა.