საყოველთაოდ ცნობილი მსახიობი ჯინა ლოლობრიჯიდა, ქალი, რომლისთვისაც ფოტოს გადაღება ყველა ფოტოგრაფის ოცნება იყო, თავადაც ფოტოგრაფიით ყოფილა გატაცებული და 1970_იან წლებში ფოტოკორესპონდენტობდა (ჟურნალისტობდა).

      სალვადორ დალი, ჰენრი კესინჯერი, დევიდ კასიდი, გრეის კელი, ოდრი ჰეპბერნი ეს მხოლოდ მცირე ჩამონათვალია მათი, ვინც ჯინა ლოლობრიჯიდას ფოტოალბომში მოხვდა.

      ჯინა ყოველთვის კარგად იცნობდა სკულპტურის და ხატვის ინსტრუმენტებს, ხოლო მოგვიანებით მას ქონდა სურვილი ხელოვნება გამოესახა ფოტოგრაფიის გზით. 5 წლის განმავლობაში მან თავისი ენერგია მიუძღვნა ამ საქმეს, წიგნებში აღწერილია მისი შთაბეჭდილებები, გრძნობები, ემოციები, ცნობისმოყვარეობა. იგი უღებდა ფოტოებს ცხოველებს და ყვავილებს, ადამიანებს, განსაკუთრებით კი ბავშვებს, მათ შორის იყო უბედური და მოწყენილი სახეები, რომლებიც გამოხატავდნენ ჯინას ოცნებას ქანდაკების შესახებ, როგორც სიმბოლოს მსოფლიოში არსებული სისასტიკისა და ტანჯვის.

      1967 წელს ჟურნალ „ცხოვრებამ“ და „დრომ“ აღმოაჩინა ჯინას ფოტოგრაფიის ტალანტი და თხოვეს მას წიგნის გამოცემა იტალიაში, სადაც თავმოყრილი იქნებოდა მისი სამშობლოს ღირშესანიშნავი ადგილები. იგი იტალიის გარშემო ორი წელი მოგზაურობდა, მან ბევრი ადგილი მოინახულა და გამოსცა წიგნი "Italia Mia" რომელმაც უდიდესი წარმატება მოუტანა საზოგადოების და კრიტიკოსების მხრიდან, გაიყიდა 300 000 ეგზემპლიარი და ითარგმნა რამოდენიმე ენაზე, მოიგო ნადარის საერთაშორისო პრიზი, როგორც საუკეთესო წლის წიგნი.

ფოტოგრაფიის შესახებ ჯინა ამბობდა: "ფოტოგრაფია ნიშნავს მსოფლიოს და საკუთარი თავის აღმოჩენას, რეალობის აღქმას გრძნობებიდან გამომდინარე, კრეატიულობის გამოვლენა და ფანტაზიასთან შეხვედრა."